ट्राफिक नियम मिच्ने १५ हजार सवारीसाधन कारबाहीमा
काठमाडौं, पुस १०
महानगरीय ट्राफिक प्रहरी महाशाखाले सडक प्रयोगकर्ता, पैदल यात्री, चालक र सहचालक, स्कुल र कलेजका विद्यार्थीहरूलाई ट्राफिक नियम, सडक अनुशासन र सडक सचेतना अभिवृद्धि गर्न ३ महिने विशेष ट्राफिक उज्यालो अभियान सञ्चालन गरेको छ । सोही अभियानसँगै उपत्यकाको ट्राफिक व्यवस्थापनलाई थप प्रभावकारी बनाउन, सचेतनापश्चात् सडक प्रयोगकर्ताहरुमा ट्राफिक नियमसम्बन्धी जिम्मेवारी बोध गराउन र कानुन कार्यान्वयनका लागि विशेष मोबाइल चेकिङ तथा कारबाही अभियानमार्फत उपत्यकामा पुस १ देखि ८ गतेसम्म १५ हजार चार सय ४४ सवारी ट्राफिक प्रहरीको कारबाहीमा परेका छन् ।
महाशाखाका प्रवक्ता तथा प्रहरी उपरीक्षक जीवन कुमार श्रेष्ठका अनुसार सबैभन्दा धेरै सार्वजनिक सवारीसाधनहरूमा ढोका खुल्ला राखेर चलाउने एक हजार २२ सवारी चालक कारबाहीमा परेका छन् । त्यस्तै, सडकमा सवारी तथा पैदलयात्रीहरूलाई आवतजावतमा अवरोध हुने गरी पार्किङ गर्ने नौ सय ५०, हर्न बजाउने पाँच सय, मा.प.से. सेवन गरी सवारी चलाउने सात सय ९०, लेन अनुशासन पालना नगर्ने सात सय ९९, जथाभावी पिक एण्ड ड्रप गर्ने छ सय ७०, एकतर्फी (वान वे) मा चलाउने एक सय ८९, जथाभावी सवारी मोड्ने दुुई सय २९, बढी भाडा लिनेमा दुई सय ४४ ट्याक्सी कारबाही, क्षमताभन्दा बढी यात्रु सवार र झुण्ड्याउने २८, सिसिटिभी सर्भिलेन्स भेहिकलमार्फत पाँच सय २९ सवारी कारबाही, तीन सय १५ वटा ट्रक र ट्रिपर कारबाही, जेब्रा क्रसिङमा सवारी नरोक्ने दुुई सय ९५, सवारीसाधनको अवस्था ठीक नभएको पाँच सय ७० सवारी चालकहरूलाई कारबाही गरिएको प्रवक्ता श्रेष्ठले जानकारी दिए ।
प्रवक्ता श्रेष्ठका अनुसार उनीहरूलाई सवारी तथा यातायात व्यवस्था ऐन, २०४९ अनुसार जरिवाना हुनेछ । साथै महाशाखाद्वारा मंसिर महिना मात्रै ५३ हजार एक सय ९३ सवारी चालकलाई कारबाही गरिसकेको छ । यस्तै, तीन महिने विशेष ट्राफिक उज्यालो अभियानमार्फत सात हजार जनाभन्दा बढीलाई सचेतना समेत प्रदान गरिएको प्रवक्ता श्रेष्ठले बताए ।
क्याटेगोरी : समाचार
ताजा अपडेट
- अर्थतन्त्रका सही नीति यथावत् रहनुपर्छ : अध्यक्ष ओली
- गण्डकीमा मन्त्रिपरिषद् विस्तार, दुई मन्त्रीद्वारा सपथ
- करको दायरा परिवर्तन पारदर्शी हुनेछ: अर्थमन्त्री पुन
- जनता समाजवादी पार्टी निर्वाचन आयोगमा दर्ता
- बाग्मती प्रदेशसभाका विषयगत समितिहरु सभापतिविहीन
- ‘विपद् व्यवस्थापनमा स्थानीय तहबीच सहकार्य जरूरी छ’
- सुन तस्करी प्रकरणमा भारतकी अफगान कूटनीतिज्ञद्वारा राजीनामा
- शेयर बजार ओरालो लाग्ने क्रम जारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया