युरोपेली नियामकले भन्यो– बोइङ ७३७ म्याक्स अब सुरक्षित
ब्रसेल्स ।
युरोपेली एभिएसन सेफ्टी एजेन्सी (ईएएसए)का प्रमुखले बोइङको ७३७ म्याक्सजेट उडानको लागि सुरक्षित रहेको बताएका छन् । एजेन्सीका कार्यकारी निर्देशक प्याट्रिक कीले उक्त विमानको कडा पुनर्मूल्यांकन गरेको बताउँदै विमानमा गरिएको डिजाइन परिवर्तनबारे पनि उपयुक्त अध्ययन गरेकोले अब सुरक्षामा ढुक्क भएको बताएका हुन् ।
उक्त विमान सन् २०१९ मा विश्वभर ग्राउन्डेड गरिएको थियो । इन्डोनेसिया र इथियोपियामा भएका समान प्रकृतिका दुर्घटनामा सबै ३ सय ४६ यात्रुको मृत्यु भएको थियो । यसअघि नै विमानले अमेरिका र ब्राजिलका आकाशमा उडान अनुमति पाइसकेको छ । मध्यजनवरीदेखि युरोपमा पनि यसले उडान सेवा सुरु गर्न पाउने सम्भावना बढेको छ । यो मोडलको विमान पहिलो दुर्घटना इन्डोनेसियाको समुद्री किनारामा सन् २०१८ को अक्टोवरमा भएको थियो ।
त्यसको चार महिनापछि इथियोपियामा उड्नेबित्तिकै दोस्रो दुर्घटना भएको थियो । त्योसँगै विमानको सुरक्षा प्रणालीमा समस्या पाइएको थियो । बोइङले अहिले यो विमानको सुरक्षा फिचर सफ्टवेयर परिवर्तन गरिसकेको छ । इथियोपियाको दुर्घटनापछि ईएएसएले जरैदेखि यो विमानको अध्ययन अनुसन्धान गर्दै आएको छ । उसले डिजाइनको पनि सूक्ष्म अध्ययन गरिसकेको छ । यसबाहेक अमेरिकी फेडेरल एभिएसन एडमिनिस्ट्रेसनले पनि अध्ययन गरिसकेको छ । कीले के कारणले दुई दुर्घटना भएको हो, ती सबैको सूक्ष्म अध्ययन गरिएको बताए ।
साथै सबै मेसिनरी पुर्जाको अध्ययन भएको उनको भनाइ छ । अब पुनः यो मोडलका विमान सेवामा फर्किन पुराना विमानमा नयाँ कम्प्युटर सफ्टवेयर जोड्न आवश्यक रहेको छ । त्यस्तै कम्पनीले वाइरिङ र ककपिटको इन्स्ट्रुमेन्टेसन पनि परिवर्तन गर्नुपर्ने बतााइएको छ । यसबाहेक पाइलटले पनि अनिवार्य तालिम लिनुपर्नेछ । ग्राउन्डेड सबै विमानको परीक्षण उडानपछि मात्रै सेवामा फर्किन पाउनेछ । अमेरिकामा पनि नियामकीय निकायले सोही प्रकृतिको नियम अनुसरण गरी सेवामा फर्किन अनुमति दिएको थियो ।
क्याटेगोरी : विश्व बजार
ताजा अपडेट
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
- शिक्षा मन्त्रालयले विद्यार्थीको सिकाइ उपलब्धिलाई ध्यानमा राखेर कार्यक्रम सञ्चालन गर्ने
- शेयर बजारको ओरालो यात्रा रोकियो, आज २ अंकको वृद्धि
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया