महावीरको परियोजनालाई नेपालगञ्ज ग्यालरीको सहयोग
बाँके, पुस १८
महावीर पुनको परियोजनाका लागि अभियान सञ्चालन गरी संकलन गरिएको रकम नेपालगञ्ज ग्यालरीले बुझाएको छ । सूचना प्रविधि अभियन्ता महावीर पुनको परियोजनाको लागि नेपालगञ्ज ग्यालरीले केही हप्ताअघि ह्यासट्याग ‘नेपालगञ्ज ग्यालरी महावीर पुनलाई सहयोग गरौ अभियान’ सुरु गरेको थियो ।
त्यसै अभियानमार्फत ५९ जना ग्यालरीका सदस्यहरुबाट संकलित गरिएको एक लाख २८ हजार ७ सय ५१ रुपैयाँ बिहीबार राष्ट्रिय आविष्कार केन्द्रमा गई बुझाइएको नेपालगञ्ज ग्यालरीका एडमिन समिरमान श्रेष्ठले जानकारी दिए । संकलित रकम बुझाउनको लागि नेपालगञ्ज ग्यालरीका सक्रिय सदस्य विवेक श्रेष्ठ राष्ट्रिय आविस्कारक केन्द्र काठमाडौं पुगेका थिए । उनले महावीर पुनलाई प्रत्यक्ष भेटेर संकलित रकम बुझाएका हुन् ।
सूचना प्रविधि अभियन्ता महावीर पुनले आफूलाई बैंकले ऋण दिन नपत्याएको गुनासो गर्दै केही हप्ताअघि सामाजिक सञ्जाल फेसबुकमा स्टाटस लेखेर पुनले आफूलाई दुईवटा परियोजनाको लागि तीन करोड रुपैयाँ आवश्यक परेको तर नेपाली बैंकले नपत्याएको बताएपछि पुनको परियोजनालाई सहयोग गर्ने उद्देश्यले नेपालगञ्ज ग्यालरीले अभियान सुरु गरेको सक्रिय सदस्य विवेक श्रेष्ठले बताए । महावीर पुनले तीन वर्षपछि रकम फिर्ता दिने बताए पनि हाम्रो टिमले पुनले गरेको कार्यको सम्मान गर्दै रकम पछि फिर्ता नलिने मनसायले संकलित रकम बुझाएको ग्यालरीका एडमिन समिरमान श्रेष्ठले बताए ।
क्याटेगोरी : कर्पोरेट-वाणिज्य-उद्योग
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया