वासिङ्टन, पुस २३
अमेरिकाको व्यापारघाटा तीन वर्षयताकै न्यून विन्दुमा झरेको छ । आयातमा उच्च गिरावट आएसँगै व्यापारघाटा घटेको अमेरिकी वाणिज्य विभागले जनाएको छ । नोभेम्बर महिनामा तीन वर्षयताकै न्यूनविन्दुमा व्यापारघाटा झरेको हो । विभागको उक्त रिपोर्टले अमेरिकी अर्थतन्त्र दिनप्रतिदिन सुधार भइरहेको देखिएको हो । मंगलबार सार्वजनिक रिपोर्टअनुसार व्यापारघाटा ८.२ प्रतिशत अर्थात् ४३ अर्ब अमेरिकी डलर घटेको हो । जुन सन् २०१६ अक्टोबरयताकै कम हो । नोभेम्बरमा व्यापारघाटा शून्य दशमलव ७ प्रतिशतले खुम्चिन पुगेको छ भने सन् २०१३ यता पहिलो वर्षगत गिरावट भएको रोयटर्सले जनाएको छ । उपभोग्य वस्तु आयात घटेपछि घरेलु उत्पादन माग बढेको छ ।
ट्रम्प प्रशासनले लिएको अमेरिका पहिलो भन्ने नीतिको असरस्वरुप चीनसँगको व्यापारघाटा १५.७ प्रतिशत अर्थात् २६ अर्बमा समेटिएको छ । त्यस्तै चीनबाट आयात ९.२ प्रतिशतले घटेको छ भने निर्याेत १३.७ प्रतिशतले बढेको छ । युरोपेली संघसँगको व्यापारघाटा पनि २०.२ प्रतिशत अर्थात् १३ अर्ब डलरले कम भएको छ । अमेरिकाले व्यापारघाटा घटाउन चीन, युरोपेलीसँग, ब्राजिल र अर्जेन्टिनासँग विवाद गर्दै आएको छ । आफ्नो मुद्रा कमजोर बनाएको आरोप ट्रम्प प्रशासनले लगाउँदै आएको छ ।
चीनसँग व्यापार विवादमा रहेको अमेरिकाले डिसेम्बरमा पहिलो चरणको व्यापार सहमति गरेको थियो । उक्त सहमतिपत्रमा आगामी १५ तारिखमा हस्ताक्षर हुने अमेरिकी राष्ट्रपति डोनल्ड ट्रम्पले घोषणा गरिसकेका छन् । १८ महिनासम्म चलेको व्यापारयुद्धले व्यावसायिक लगानीमा ठूलै असर गरेको थियो । यसले विश्व अर्थतन्त्रको वृद्धिदरमा समेत अंकुश लगाएको थियो ।
नोभेम्बरमा वस्तु व्यापारघाटा ३ अर्बले घटेर ७५ अर्ब डलरमा झरेको छ । यो सन् २०१७ मार्चयताकै कम हो । उक्त महिनामा वस्तु आयात १.४ प्रतिशत अर्थात् २ खर्ब डलरले घटेको छ । यो निरन्तर तेस्रो महिना हो । उपभोग्य वस्तु आयात पनि १ अर्ब डलरले घटेको बताइएको छ । आयात घट्नुमा सेप्टेम्बर १ मा थपिएको १५ प्रतिशत थप करले काम गरेको हुनसक्ने विज्ञहरुको भनाइ छ । त्यस्तै नोभेम्बरमा वस्तु निर्यात शून्य दशमलव ७ प्रतिशत अर्थात् १ खर्ब ३७ अर्ब डलरले वृद्धि भएको छ ।
क्याटेगोरी : विश्व बजार
ताजा अपडेट
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
- शिक्षा मन्त्रालयले विद्यार्थीको सिकाइ उपलब्धिलाई ध्यानमा राखेर कार्यक्रम सञ्चालन गर्ने
- शेयर बजारको ओरालो यात्रा रोकियो, आज २ अंकको वृद्धि
- वर्षाले डढेलो निभाउने आशा
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया