दोलखाका ३३ हजार भूकम्पपीडितले बुझे घर निर्माणको प्रमाणपत्र
दोलखा । जिल्लाका ३३ हजार भूकम्पपीडितले निजी आवास निर्माण सम्पन्न गरेको प्रमाणपत्र बुझेका छन् । हालसम्म ३३ हजार तीन सय ६० जना भूकम्प पीडितले निर्माण सम्पन्न गरेको प्रमाणपत्र लिएका हुन् ।
दोलखामा पुस मसान्तसम्म ६६ हजार दुई सय ६१ वटा निजी आवासको पुनर्निर्माण सम्पन्न भएको छ । २०७२ को विनाशकारी भूकम्पले दोलखामा कुल ७३ हजार पाँच सय ९९ वटा घरमा क्षति गरेको थियो । निर्माण सम्पन्न भएका घरमध्ये ३३ हजार तीन सयले मात्रै राज्यले दिने निर्माण सम्पन्नताको प्रमाणपत्र बुझेका छन् । अझै ३२ हजार तीन सय ३३ लाभग्राहीले भने निर्माण सकेर पनि प्रमाणपत्र लिएका छैनन् । भूकम्प गएको सात वर्ष बितिसक्दा पनि जिल्लामा पुनर्निर्माणको काम सकिएको छैन ।
पुनर्निर्माणको काम सकिन अझै केही समय लाग्ने देखिएको छ । हाल जिल्लामा तीन हजार चार सय घर निर्माणको चरणमा रहेका छन् । त्यसैगरी तीन हजार नौ सय ३८ वटा घरको पुनर्निर्माण हुन् बाँकी रहेको छ । आवास पुनर्निर्माणसम्बन्धी समष्टिगत विवरणको तथ्यांकअनुसार सुरुमा घर पहिचान भएका लाभग्राहीको संख्या ५१ हजार नौ सय ४० रहेको थियो । त्यसैगरी गुनासो फछ्र्यौटपछि थप भएका लाभग्राही संख्या १८ हजार नौ सय ९१ जना छन् भने प्रबलीकरण लाभग्राही संख्या २६ सय ६८ गरी जम्मा ७३ हजार पाँच सय ९९ सय जना भूकम्पपीडित लाभग्राही सूचीमा परेका थिए ।
त्यसैगरी दोलखामा अनुदान सम्झौता गर्ने भूकम्पपीडित घरधुरीको संख्या ६९ हजार आठ सय ७५ जना रहेको छ । अनुदान सम्झौता गरेकामध्ये पहिलो किस्ता लिने लाभग्राहीको संख्या ६९ हजार छ सय ६१, दोस्रो किस्ता लिनेको संख्या ६७ हजार सात सय ३२ र तेस्रो किस्ता लिनेको संख्या ६६ हजार दुई सय ६१ रहेको छ । जिल्लामा निजी आवास निर्माणका लागि २० अर्बभन्दा बढी निकासा भइसकेको छ ।
क्याटेगोरी : बिबिध
ताजा अपडेट
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
- शिक्षा मन्त्रालयले विद्यार्थीको सिकाइ उपलब्धिलाई ध्यानमा राखेर कार्यक्रम सञ्चालन गर्ने
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया