बैंकिङ कसुर गरी भागेका व्यक्तिहरू पक्राउ
काठमाडौं । महानगरीय अपराध महाशाखाले बैंकिङ कसुर मुद्दाका फरार प्रतिवादी विष्णु बहादुर कार्कीलाई पक्राउ गरेको छ । महाशाखाका अनुसार बाजुराको बुढीनन्दा घर भई हाल काठमाडौंको बूढानीलकण्ठ बस्ने ४४ वर्षीय विष्णु बहादुर कार्कीलाई बूढानीलकण्ठ क्षेत्रबाट पक्राउ गरिएको हो ।
महाशाखाका अनुसार कार्कीउपर उच्च अदालत पाटनको वि.सं. २०७७ माघ ६ गतेको फैसलाले बैंकिङ कसुर मुद्दामा सात दिन कैद र २७ लाख रुपैयाँ जरिवाना, वैदेशिक रोजगार मुद्दामा तीन वर्ष कैद र दुई लाख ५० हजार रुपैयाँ जरिवाना, बैंकिङ कसुर मुद्दामा एक वर्ष कैद सजाय र एक लाख ५९ हजार रुपैयाँ जरिवाना र बैंकिङ कसुर मुद्दामा एक वर्ष कैद र ३० हजार रुपैयाँ जरिवाना तोकिएको छ । कार्कीलाई महाशाखाबाट खटिएको विशेष प्रहरी टोलीले बिहीबार पक्राउ गरी आवश्यक कारबाहीको लागि काठमाडौं जिल्ला अदालतमा पेस गरेको जानकारी महाशाखाले दिएको छ ।
पक्राउ परेका कार्कीले विभिन्न व्यक्तिहरुलाई एयरलायन्समा पाइलटमा जागिर लगाइदिन्छु, डिमाण्ड ड्राफ्ट (डीडी) बनाइदिन्छु भन्नेलगायतका बहानामा समेत ठगी गरेको देखिएकाले कोही व्यक्तिहरु कार्कीबाट ठगिएको भए महाशाखामा सम्पर्क राख्न पनि महाशाखाले आग्रह गरेको छ ।
यसैगरी महानगरीय प्रहरी परिसर काठमाडौंले पनि बैंकिङ कसुर मुद्दाका फरार प्रतिवादीलाई पक्राउ गरेको जानकारी दिएको छ । परिसरका अनुसार बैंकिङ कसुरका फरार प्रतिवादी काठमाडौं महानगरपालिका १० बानेश्वर बस्ने धनुषा जनकपुरधाम उपमहानगरपालिका ८ घर भएका ४९ वर्षीय कमल कुमार सिंहलाई बिहीबार प्रहरीले पक्राउ गरिएको हो ।
सिंहले विभिन्न व्यक्तिहरूलाई प्रलोभनमा पारी साझेदारीमा जग्गा र जमिन खरिद गर्ने, व्यापार व्यवसाय सञ्चालन गर्ने भनी झुक्यानमा पारी लिएको रकममध्ये एक जनालाई ६० लाख रुपैयाँ फिर्ता गर्ने क्रममा चेक जारी गरेकोमा बैंकबाट चेक बाउन्स भएपश्चात् फरार रहेका उनलाई महानगरीय प्रहरी परिसर काठमाडौंबाट खटिएको प्रहरीले काठमाडौं महानगरपालिका ३२ काँडाघारीबाट पक्राउ गरेको हो ।
साथै सिंहले अर्का एक जना पीडितलाई समेत यस्तै प्रकारले दिएको ६१ लाख रूपैयाँको बैंक चेक बाउन्स भई उच्च अदालत पाटन ललितपुरको २०७७ पुस १५ गतेको आदेशले १५ लाख धरौटी माग हुँदा तत्काल बुझाउन नसकी उनी डिल्लीबजार कारागारमा गएको अनुसन्धानको क्रममा खुल्न आएको छ । उनीउपर उच्च अदालत पाटन ललितपुरबाट सात दिन म्याद अनुमति लिई थप अनुसन्धान भइरहेको महानगरीय प्रहरी परिसर काठमाडौंले जानकारी दिएको छ ।
क्याटेगोरी : समाचार
ताजा अपडेट
- दैलेखमा पेट्रोलियम पदार्थ अन्वेषणको अन्तिम ड्रिलिङ सुरु
- धनगढी उपमहानगरद्वारा २३ करोड राजस्व सङ्कलन
- नीति तथा कार्यक्रमको लागि बिज्ञ समुह संग छलफल गर्दै मन्त्री श्रेष्ठ
- नेवार र तामाङ भाषा बागमती प्रदेशभित्र सरकारी कामकाजमा
- नेकपा एकीकृत समाजवादी संसदीय दलको बैठक नयाँबानेश्वरमा
- संरक्षण अभावमा ओझेल पर्दै चुरे क्षेत्रका प्राकृतिक ताल
- जापानी विदेशमन्त्री योको कामिकावाको भ्रमण कोशेढुंगा बनोस्
- किन लाग्छ गभर्नरमाथि पुँजीबजार विरोधीको आरोप ?
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया