नबिल बैंकको ‘वातावरणमैत्री कर्जा योजना’
काठमाडौं । नबिल बैंकले वातावरणमैत्री कर्जा योजना सञ्चालनमा ल्याएको छ । बैंकका अनुसार व्यवसायहरूको वित्तीय व्यवस्थापनमा सहयोग गर्ने लक्ष्यका साथ नबिल बैंकले पहिलो पटक पर्यावरणमैत्री व्यवसाय कर्जा सुविधा ल्याइएको हो ।
फोहोरमैला व्यवस्थापनसँग सम्बन्धित व्यवसाय, पर्यावरणमैत्री व्यवसाय तथा वन विनाश र प्रदूषण कम गर्ने लक्ष्य राखेका व्यवसायहरूको वित्तीय आवश्कता पूरा गर्न बैंकले कर्जा सुविधा उपलब्ध गराउने जानकारी दिएको छ । यो कर्जा योजनाअन्तर्गत बैंकले साबिकको भन्दा शून्य दशमलव पाँच प्रतिशत कम ब्याजमा कर्जा उपलब्ध गराउनेछ ।
बैंकले पर्यावरणमैत्री व्यवसायीहरूको व्यवसाय बढाउन मदत गर्न क्षमता अभिवृद्धि कार्यक्रम र व्यवसाय विकास तथा परामर्श सुविधाहरू प्रदान गरी व्यवसायीहरूमाझ वित्तीय पहुँचमा जोड दिने नीति लिएको छ । साथै, आफ्ना ग्राहकसम्म व्यवसायको उत्पादन र सेवाहरू वितरणलाई सहज बनाउने उद्देश्यले ‘नबिल एसएमई सहकार्य योजना’ आबद्ध गराउने जनाएको छ ।
‘नबिल पर्यावरणमैत्री व्यवसाय कर्जायोजना हाम्रो दिगो बैंकिङअन्तर्गतको विभिन्न प्रयासहरूमध्येको एक हो । जसअनुरूप फोहोरमैला व्यवस्थापन, सामाजिक र वातावरणीय मूल्य मान्यता अभिवृद्धि गर्ने लक्ष्य लिएर स्थापना भएका दिगो तथा पर्यावरणमैत्री व्यवसायको क्षमता अभिवृद्धि तथा वित्तीय पहुँचमा बैंकको साझेदारीलाई झल्काउँछ’, बैंकका एसएमई तथा एमएफ विभाग प्रमुख निरज कुमार बस्नेत (डनिल) भने । यो कर्जा योजनाअन्तर्गतका ऋणीहरूलाई एक सफल व्यापार उद्यमको रूपमा विकाश गर्न ऋणीहरूलाई विभिन्न क्षमता अभिवृद्धि कार्यक्रम तथा सहकार्य योजनाहरूमा समावेश गर्ने उनको भनाइ थियो ।
क्याटेगोरी : बैंक बित्त बजार
ताजा अपडेट
- सुन तस्करीको आरोप लागेका सुमनमान ताम्राकारविरुद्ध अदालतको अवहेलनामा मुद्दा दायर
- फाइनल प्रवेशका लागि रियल र बार्यन भिड्दै
- बुढ्यौलीमा चोटसँग जुधेर खेलिरहेका धोनी
- प्रमुख प्रतिपक्षीले उठाएका विषयवस्तुप्रति सरकारले बेवास्ता गरिरहेको छ – प्रमुख सचेतक लेखक
- सहकारीमा दोस्रो तहको नियामक अतिआवश्यक :पूर्वअर्थमन्त्री खतिवडा
- मेची भन्सारद्वारा ११ अर्ब ३२ करोडभन्दा बढी राजश्व संकलन
- यी हुन आज शेयर बजारबाट सबैभन्दा धेरै कमाउने दश कम्पनी
- औद्योगिक विकासतर्फ अग्रसर हुन घरेलु उद्यमशीलतालाई बढावा दिन जरुरी छ: राष्ट्रपति पौडेल
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया