फोर्स गुर्खाको बुकिङ खुल्ला

काठमाडौं । सर्वाधिक मानिसहरुको चासो र पर्खाइमा रहेको बहुप्रतीक्षित फोर्स गुर्खा जिपको मूल्य सार्वजनिक गरी बुकिङ खुल्ला गरिएको छ । भारतको बजारमा अत्यधिक रुचाइएको फोर्स गुर्खा लामो पर्खाइपछि नेपाली बजारमा उपलब्ध भएको छ ।

फोर्स मोटर्सको आयातकर्ता हिमालय अर्गनाइजेसनअन्तर्गत आयाम इन्टरकन्टिनेन्टल प्रालिले फोर्स गुर्खा आयात तथा बिक्री गर्ने बताइएको छ । विशेषतः अफरोड र एड्भेन्चर ट्राभल मन पराउने ग्राहकको लागि लक्षित गरी बनेको फोर्स गुर्खामा विश्व प्रसिद्ध मर्सिडिज बेन्जको २.६ लिटर इन्जिन, गियरबक्स र एक्सल जडान गरिएको छ । फोर्स गुर्खामा पावरफुल फोर ह्विल ड्राइभ, म्यानुअल डिफ्रेन्सियल लक (अगाडि र पछाडि दुवै एक्सलमा), ३५ डिग्री ग्रेडिएबिलिटी र उच्च ग्राउन्ड क्लियरेन्स भएकोले जस्तोसुकै बाटोमा पनि उपयुक्त रहेको कम्पनीको दाबी छ । साथै वल्की डिजाइन र बोल्ड लुक्स भएको फोर्स गुर्खामा आकर्षक एलईडी हेडल्यम्प विथ डि आर यल, टिल्ट एण्ड टेलिस्कोपिक स्टेरिङ्ग, एडभान्स इन्फोटेन्मेन्ट सिस्टम लक्जरियस पाइलट सिट, कोयल स्प्रिङ सस्पेन्सनजस्ता आकर्षक फिचर छन् ।

फोर्स गुर्खामा स्नोरकल भएकोले ७०० एमएम पानी भएको ठाउँमा पनि सहज रुपमा चलाउन सकिन्छ । यस जिपमा सुरक्षालाई मध्यनजर गर्दै एयर ब्याग, एबीएस, ईडीबी ब्रेक र रिभर्स पार्किङ सेन्सरजस्ता फिचर्स छन् । थ्री डोर डिजाइन र ४ सिट क्षमता भएको यस जिपमा सहज इन्ट्री र एक्जिट, पर्याप्त बुट स्पेस र ग्याङ्गवे रहेको छ । यस जिपमा ठूलो सिङ्गल विईन्डो रहेकोले आकर्षक दृश्यको अवलोकन गर्न सकिन्छ । यस जिपको सुरुवाती मूल्य ७८ लाख ९९ हजार रुपैयाँ कायम गरेको कम्पनीले जनाएको छ । साथै यो मूल्य केही समयको लागि मात्र लागू हुने समेत कम्पनीले जानकारी गराएको छ ।