Techie IT
×
गृहपृष्ठअन्तर्राष्ट्रियब्रिक्स देशहरूले महामारीको प्रारम्भिक चेतावनी प्रणालीको विकास गर्ने

ब्रिक्स देशहरूले महामारीको प्रारम्भिक चेतावनी प्रणालीको विकास गर्ने


बेइजिङ । ब्रिक्सका स्वास्थ्यमन्त्रीहरूको १२औं बैठकले ब्रिक्स देशहरूले ठूलो मात्रामा महामारीको लागि प्रारम्भिक चेतावनी प्रणाली विकास गर्ने सहमति गरेको छ । ब्रिक्सभित्र ब्राजिल, रुस, भारत, चीन र दक्षिण अफ्रिका रहेका छन् । चीनले आयोजना गरेको उक्त बैठकमा ब्रिक्स देशका स्वास्थ्यमन्त्री र विश्व स्वास्थ्य संगठनका उपमहानिर्देशकसहित ७० जनाभन्दा बढी सहभागी थिए ।

सिन्ह्वा समाचार एजेन्सीका अनुसार भेटमा प्रतिनिधिहरूले कोभिड–१९ महामारी रोकथाम र नियन्त्रण, नयाँ स्वास्थ्य प्रणालीको निर्माण र डिजिटल स्वास्थ्य जस्ता विभिन्न विषयमा गहिरो छलफल गरेका थिए । चीनको राष्ट्रिय स्वास्थ्य आयोगका प्रमुख मा सियाओवेईले गतिशील शून्य–कोभिड दृष्टिकोण सहित चीनको प्रति–महामारी नीतिहरू प्रस्तुत गरेका थिए । महामारी रोकथाम र आर्थिक विकास बीच सन्तुलन कायम गर्ने चीनको प्रयासको बारेमा समेत छलफल गरेका थिए । उक्त बैठकले संयुक्त घोषणापत्र पारित गरेको छ ।

चीनले यस वर्षको जुनमा सियामेनमा ब्रिक्स शिखर सम्मेलन आयोजना गर्ने कार्यक्रम छ । ब्रिक्स विश्वका पाँच प्रमुख उदीयमान अर्थतन्त्रहरू ब्राजिल, रुस, भारत, चीन र दक्षिण अफ्रिका मिलेर बनेको बहुपक्षीय फोरम हो ।


क्याटेगोरी : अन्तर्राष्ट्रिय

तपाईको प्रतिक्रिया