सहकर्मी रिजालको निधन

काठमाडौ । आर्थिक दैनिकका संवाददाता हरिप्रसाद रिजालको निधन भएको छ । बिहीबार सॅाझ कार्यालयबाट कुपण्डोलस्थित कोठामा फर्किएरका रिजाल खाना खाएर सुतेकै अवस्थामा राति नै ह्रदयघात भएको पारिवारले जनाएको छ ।

हृदयघात भएपछि रिजाललाई शुक्रवार बिहान २ बजेर ५ मिनेटमा नर्भिक अस्पताल पु-याइएको र अस्पतालले ३ बजेर १२ मिनेटमा मृत घोषणा गरेको थियो ।

४३ वर्षीय रिजाल धादिङ्गको निलकण्ठ नगरपालिका-६ सुनौलाबजारका स्थायी बासिन्दा हुन् । नेपाल पत्रकार महासंघ काठमाडौ शाखाका साधारण सदस्य समेत रहेका रिजालको शुक्रबार बिहान काठमाडौको पशुपतिमा दाहसंस्कार गरिएको छ ।

यस आर्थिक दैनिक प्रा.लि.का अध्यक्ष प्रल्हाद रिजालको साईलो भाइ समेत रहेका स्व. रिजालको एक श्रीमती र एक छोरी छन् ।

रिजालको निधनले आर्थिक दैनिकले एक ऊर्जाशिल, क्षमतावान तथा लगनशिल कर्मचारी गुमाएको छ । आर्थिक दैनिक यस दुखद घडिमा स्व. रिजालको मृतात्माको चिरशान्तिको कामना गर्दै परिवारजनमा गहिरो समवेदना प्रकट गर्दछ ।