बैंकिङ कसुर मुद्दाका फरार प्रतिवादी अकौलिया पक्राउ
काठमाडौं ।
बैंकिङ कसुर मुद्दाका फरार प्रतिवादी पञ्चम अकौलिया पक्राउ परेका छन् । केन्द्रीय अनुसन्धान ब्युरो (सीआईबी)का अनुसार काठमाडौं महानगरपालिका १३ बस्ने धादिङ धुनिबेसी नगरपालिका ५ घर भएका ५१ वर्षीय अकौलियालाई सोमबार प्रहरीले चितवनबाट पक्राउ गरेको हो ।
उच्च अदालत पाटनको २०७५ असार २२ गतेको फैसलाले बैंकिङ कसुर मुद्दामा १० दिन कैद सजाय र १७ लाख रुपैयाँ जरिवाना ठहर भई फरार रहेका उनलाई प्रहरी प्रधान कार्यालय केन्द्रीय अनुसन्धान ब्युरो महाराजगञ्जबाट खटिएको प्रहरीले चितवन भरतपुर महानगरपालिका २३ मा लुकीछिपी बसेको अवस्थामा फेला पारी पक्राउ गरेको हो ।
अकौलियाले २०७५ वैशाख २० गते आफ्नो खातामा पर्याप्त मौज्दात रकम नभएको भन्ने जानी–जानी मनोज प्रसाद साहलाई झुक्यानमा पारी सापटी लिएको रकम फिर्ता गर्नका लागि एनएमबी बैंक लिमिटेडको चेक दिएकोमा बैंकिङ कसुरजन्य अपराध गरेको ठहर गरी उच्च अदालत पाटनले उक्त कैद तथा नगद जरिवाना ठहर गरेको थियो ।
उनलाई फैसला कार्यान्वयनको लागि मंगलबार जिल्ला अदालत चितवनमा पेश गरिएको उक्त ब्युरोले जनाएको छ । सीआईबीका अनुसार पक्राउ परेको अकौलियालाई बैैंकिङ कसुरसम्बन्धी मुुद्दामा १० दिन कैद र १७ लाख रुपैयाँ जरिवाना तोकिएको छ ।
क्याटेगोरी : समाचार
ताजा अपडेट
- अर्थतन्त्रका सही नीति यथावत् रहनुपर्छ : अध्यक्ष ओली
- गण्डकीमा मन्त्रिपरिषद् विस्तार, दुई मन्त्रीद्वारा सपथ
- करको दायरा परिवर्तन पारदर्शी हुनेछ: अर्थमन्त्री पुन
- जनता समाजवादी पार्टी निर्वाचन आयोगमा दर्ता
- बाग्मती प्रदेशसभाका विषयगत समितिहरु सभापतिविहीन
- ‘विपद् व्यवस्थापनमा स्थानीय तहबीच सहकार्य जरूरी छ’
- सुन तस्करी प्रकरणमा भारतकी अफगान कूटनीतिज्ञद्वारा राजीनामा
- शेयर बजार ओरालो लाग्ने क्रम जारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया