युनिक स्विटले न्यून राजस्व बुुझाएपछि भन्सार र राजस्वद्वारा छानबिन सुुरु
विराटनगर । लामो समयदेखि विराटनगरको मुख्य बजार जलजलाचोकमा सञ्चालन हुँदै आएको युनिक स्विट एन्ड स्नेकले राजस्व छली गर्नेगरेको पाइएको छ । स्विटले भारतीय बजारबाट आयात गर्ने विभिन्न खाद्यवस्तुदेखि मिठाइमा प्रयोग हुने सामग्री समेतमा राजस्व छली गर्नेगरेको पाइएको हो ।
स्रोतका अनुसार दशैँ र तिहारमा अत्यधिक माग हुने काजु, पिस्ता, बदाम, बेसन, मिठाइ तथा प्याकिङका लागि प्रयोग गरिने प्लास्टिकका डब्बा, बरक, नरिवलको भुसी, उडदको दाल र चनाको दाल आयात गर्दा युनिक स्विट एन्ड स्नेकले विराटनगर भन्सार नाका प्रयोग नगरी अवैध नाकाबाट ल्याउने गरेको छ ।
भारतको जोगबनी बजारमा रहेको आजाद ट्रान्सपोर्टसम्म भारतीय कम्पनीबाट सामान डेलिभरी गरिदिने र उक्त सामान युनिक स्विट एन्ड स्नेकको प्रतिनिधिका रूपमा कार्यरत अकबर अली र समसाद नाम गरेका व्यक्तिले अवैध नाका हुँदै विराटनगर बजारसम्म पुु¥याउने गरेको स्रोतले दाबी गरेको छ । युनिक स्विट एन्ड स्नेकका नाममा आयात भएको सामानबाट विराटनगर भन्सारमा न्युन भन्सार राजस्व दाखिला भएको देखिएपछि युनिक स्विट एन्ड स्नेकले अवैधरूपमा सामान आयात गरेको खुल्न पुगेको हो ।
युनिक स्विट एन्ड स्नेकले विराटनगर भन्सारमा न्यून राजस्व बुुझाएपछि आन्तरिक राजस्व कार्यालय विराटनगरले पनि भ्याट छली भए नभएको सम्बन्धमा अनुसन्धान थालेको बताइएको छ । विराटनगर महानगरमा रहेको चर्चित युनिक स्विट एन्ड स्नेकले आन्तरिक राजस्व कार्यालय विराटनगरबाट स्वेता जैनको नाममा ३००२१२५५४ नम्बरमा भ्याट दर्ता गरेको देखिए पनि भ्याट बिल नकाटी कारोबार गरेको भन्ने जानकारी आएकोले कारबाही प्रक्रिया सुरु गरेको कार्यालयले जनाएको छ । युनिक स्विटको दर्ता स्वेता जैनको नाममा गरिएको भए पनि मुख्य सञ्चालक चन्दन जैन रहेका छन् ।
आन्तरिक राजस्व कार्यालय विराटनगरले पटक–पटक युनिक स्विट एन्ड स्नेक्सलाई पाँच हजारभन्दा माथिको कारोबार गर्दा भ्याट बिल जारी गर्नुपर्ने निर्देशन दिँदा समेत सञ्चालक जैनले संक्षिप्त कर बिजक काटेर कारोबार गरेको स्रोतले दाबी गरेको छ । हरेक वर्ष नै उक्त युनिक स्विट एन्ड स्नेकलाई मिठाइमा मिसावट गरी बिक्री गर्नेगरेको भन्दै खाद्य प्रविधि तथा गुण नियन्त्रण कार्यालयले प्रत्येक वर्ष कारबाही समेत गर्नेगरेको छ ।
केही वर्षअगाडि मात्रै खाद्य प्रविधि तथा गुण नियन्त्रण कार्यलयले गरेको अनुगमनका क्रममा युनिक स्विट एन्ड स्नेक्सले बिक्रीका लागि राखिएका खाद्यान्नमा मिसाएको पाइएपछि जिल्ला प्रशासन कार्यालयमा ‘ढाँटी झुक्याइएको’ मुद्दा हालेको थियो ।
तर तत्कालीन प्रमुख जिल्ला अधिकारी गणेशराज कार्कीको दबाबले त्यसबेला सामान्य कारबाही गरेर सञ्चालक जैनले उन्मुक्ति पाएका थिए । सञ्चालक जैनमाथि लागेका आरोपका बारेमा उनले सञ्चालन गर्दै आएको युनिक स्विट एन्ड स्नेकमा सम्पर्क गर्दा सञ्चालक जैन आफ्नो व्यावसायिक प्रतिष्ठानमा नभएको उनका कर्मचारीले जानकारी दिए ।
क्याटेगोरी : समाचार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया