Techie IT
×
गृहपृष्ठसमाचार‘अटोमोबाइल क्षेत्रका समस्या समाधान गर्न सरकार प्रयत्नशील’

‘अटोमोबाइल क्षेत्रका समस्या समाधान गर्न सरकार प्रयत्नशील’


काठमाडौं । अर्थमन्त्री विष्णु पौडेलले अटोमोबाइल क्षेत्रका समस्याहरुको समाधानका लागि सरकार प्रयत्नशील रहेको बताएका छन् । नाडा अटोमोबाइल्स एसोसिएसन अफ नेपालका प्रतिनिधिहरुसँगको भेटमा उनले अटोमोबाइल व्यवसायीहरुले हाल भोगिरहेकोे समस्याहरुको समाधान गर्ने विषयमा सरकार सकारात्मक रहेको बताए ।

नाडाका अध्यक्ष ध्रुव थापाको नेतृत्वको एक प्रतिनिधि मण्डलले बिहीबार अर्थमन्त्री विष्णु पौडेलसँग भेट गरी अटोमोबाइल क्षेत्रका समसामयिक विषयहरुमा छलफल गरेको थियो । मन्त्री पौडेलले आफुले अटोमोबाइल क्षेत्रलाई नजिकबाट चिनेकोले यस क्षेत्रका समस्याहरुको समाधानका लागि सरकार गम्भीर रहेको भन्दै आन्दोलन स्थगित गर्न आग्रह गरे । अटोमोबाइल्स व्यवसायीहरुले विभिन्न माग राखि सरकारविरुद्ध चरणबद्ध रुपमा आन्दोलन गरिरहेका छन् । अध्यक्ष थापाले कोभिडको महामारीको कारण यस व्यवसायमा धेरै अप्ठ्यारा परिस्थिति सृजना भएको बताए । कोभिडको विकट स्थितिमा पनि अटोमोबाइल व्यवसायीहरुले जसोतसो व्यवसायलाई सञ्चालन गरि आएकोमा पछिल्ला समयमा आएका विभिन्न नीतिहरुको कारण अटोमोबाइल व्यवसायलाई झनै कठिन अवस्थामा पुगेको उनको भनाई छ । हाल व्यवसायीहरु आफ्नो व्यवसायबाट नै पलायन भइरहेकोले अटोमोबाइल व्यवसायको उत्थानका लागि आवश्यक पहल गरिदिन समेत उनले आग्रह गरे ।

साथै उनले बढदो ब्याजदर तथा प्रिमियमदरलाई तत्कालै एउटा उपयुक्त सीमाभित्र राखी अर्थतन्त्रलाई गतिशील बनाउने नीति अवलम्बन गर्न सुझाव दिए । साथै सवारीसाधनहरु आयातका लागि एलसी खोल्दा न्यूनतम नगद मार्जिनको सीमा १० प्रतिशत नै कायम गर्ने, अटो लोन÷हायर पर्चेज कर्जामा जोखिम भारलाई १५० प्रतिशतबाट पुरानै अवस्थामा ल्याउनुपर्ने अर्थात् ७५ प्रतिशत नै कायम गर्ने, बैंकहरुबाट निजी सवारीसाधनको हायर पर्चेज लोन प्रवाह गर्ने प्रक्रियामा लोन टु भ्यालू रेसियोको हालको सीमा ५० प्रतिशतबाट वृद्धि गरी ८० प्रतिशत कायम गर्नुपर्नेमा जोड दिए । नेपाल राष्ट्र बैंकले हालै जारी गरेको चालू पुँजी कर्जा मार्गदर्शन २०७९ मा भएका कतिपय बुँदाहरु हालको अवस्थामा व्यावहारिक रुपमा लागु गर्न कठिन हुने देखिएको सन्दर्भमा यस निर्देशिकालाई दुई वर्षसम्मका लागि स्थगित गर्ने व्यवस्थाका लागि पनि उनले विशेष आग्रह गरे ।


क्याटेगोरी : समाचार

तपाईको प्रतिक्रिया