प्राविधिक शिक्षातर्फ विद्यार्थीको रूचि घट्दो
दोलखा । पछिल्ला वर्षहरूमा दोलखामा प्राविधिक शिक्षा अध्ययन गर्ने विद्यार्थीको संख्या निरन्तर घट्दै गएको पाइएको छ । देशकै पुरानो दोलखाको जिरीमास्थित जिरी प्राविधिक शिक्षालयमा यसपटक न्यून विद्यार्थी मात्रै भर्ना भएका छन् ।
प्राविधिक शिक्षा पढ्ने विद्यार्थीको संख्या ५० प्रतिशतले घटेको शिक्षालय जनाएको छ । डिप्लोमातर्फको फार्मेसीबाहेकका सबै कोटामा विद्यार्थीको संख्या न्यून रहेको जिरी प्राविधिक शिक्षालयमा कार्यरत कुमार अधिकारीले बताए । यहाँ प्राविधिक धारमा डिप्लोमा तथा प्रि–डिप्लोमा बाली विज्ञान, भेटेनरी विज्ञान तथा सिभिल इन्जिनियरिङमा अध्यापन हुँदै आएको छ । बाली विज्ञान, भेटेनरी विज्ञान तथा सिभिल इन्जिनियरिङ सबैतर्फ ४० जनाको कोटा भए पनि हाल ८/१० जना विद्यार्थी मात्रै भर्ना भएको अधिकारीले जानकारी दिए । यस्तै, कृषि प्राविधिक उत्पादन गर्ने उद्देश्यले जिल्लाका अन्य चार वटा माध्यमिक विद्यालयमा खोलिएको बाली विज्ञान प्राविधिक धार सञ्चालनमा पनि सङ्कट देखिएको छ ।
सम्बन्धित निकायले चासो नदिनु, विद्यार्थी भर्ना न्यून र अन्य आयस्रोत नहुँदा बाली विज्ञान प्राविधिक धार सञ्चालनमा सङ्कट आएको बताइएको छ । लापिलाङ माध्यमिक विद्यालयका प्रधानाध्यापक दीपक खड्काले प्राविधिक धारअन्तर्गत तीन वर्षअघि गाउँपालिकाको पहलमा सीटीईभीटीबाट स्वीकृत भई बाली विज्ञान सञ्चालनमा ल्याए पनि निरन्तरता दिन मुस्किल भएको बताए । उनका अनुसार सुरुको वर्ष ४० को कोटामा २५ जना भर्ना भएको थिए । उनीहरू उत्तीर्ण भई गइसकेका छन् । तर दोस्रो वर्ष ११ जना मात्र भर्ना भए भने तेस्रो वर्ष छ जना भर्ना भए । यो वर्ष भने कोही पनि भर्ना हुन नआएको उनले बताए । भर्ना भएकाहरू पनि स्थानीय नरहेको उनले सुनाए । भर्ना भएका विद्यार्थीहरू हुम्ला, जुम्ला, सिन्धुपाल्चोक, भक्तपुर, सर्लाहीलगायतका जिल्लाका छन् । उनका अनुसार यहाँ छात्राका लागि होस्टेल निःशुल्क उपलब्ध छ । छात्रका लागि पनि यहीँ नजिकै सुलभ भाडामा बस्ने व्यवस्था मिलाइएको भए पनि विद्यार्थी भर्ना हुन नआएपछि यो धारको पठनपाठन बन्द नै भएको उनले बताए ।
त्यस्तै, जिल्लाको तामाकोशी गाउँपालिकाको गोल्मेश्वर र भीमेश्वर नगरपालिकाको सुस्पा क्षमाती माध्यमिक विद्यालयमा पनि प्राविधिक धारतर्फ भर्ना शून्य भएको छ । शैलुङ गाउँपालिकाको शारदा माध्यमिक विद्यालयमा निःशुल्क भएकाले २२ जना मात्र भर्ना भएका छन् । ४० को कोटामा २१ जना नभए सीटीईभीटीबाट पाउने अनुदान नपाउने व्यवस्था रहेको विद्यालयका प्रधानाध्यापक मानबहादुर तामाङले बताए । सीटीईभीटीकै तीन दरबन्दी रहेको भीमेश्वर नगरपालिका–४ जिलुको सर्ब माध्यमिक विद्यालयले पनि विद्यार्थी टिकाउन निःशुल्क गरेको छ । यस विद्यालयमा पनि विद्यार्थी न्यून रहेका छन् ।
यता, प्राविधिक शिक्षा अध्ययन गर्ने विद्यार्थीले भने प्राविधिक पढेर पनि रोजगार पाउन नसक्दा प्राविधिक पढ्न विद्यार्थीको रूचि घट्दै गएको बताउन थालेका छन् । तीन÷चार वर्ष लगाएर पढ्दा समेत स्वदेशमा रोजगार नपाएर विदेश नै जानुपर्ने बाध्यता रहेकाले प्राविधिकतर्फ विद्यार्थीको रूचि घटेको उनीहरूको भनाइ छ ।
क्याटेगोरी : प्रविधि / शिक्षा, बिबिध
ट्याग : #Page 8
ताजा अपडेट
- जसपा नेपालले कानुनी उपचार खोज्ने
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया