निर्माणसम्पन्न भएको एक महिना नबित्दै जोखिममा दिप्लीको बेलिब्रिज
महेन्द्र शाही
सोलुखुम्ब, असार २९
सोलुखुम्बुको थुलुङ दूधकोशी र सोताङ गाउँपालिका जोड्न दिप्लीघाटमा निर्माण भएको बेलिब्रिज निर्माणसम्पन्न भएको एक महिना बित्न नपाउँदै जोखिममा परेको छ । दूधकोशीमा बढेको पानीको वहावले ग्याभिन पर्खाल भत्किँदा बेलिब्रिज जोखिममा परेको हो । निरन्तरको वर्षाले पुलको ग्याभिङ वाल भत्काएको हो । निर्माण गर्ने क्रममा बीचबाट मात्रै ग्याभिङ भरेको कारण पानीले जगको माटो बगाउँदा ग्याभिङ जाली भत्किएको निर्माण कम्पनीका दुर्गा राईले बताए । निर्माणको जिम्मा पाएको निश्चल निशानी सेवाले गाउँपालिकाको स्टिमेटअनुसार नै काम गरेको दाबी समेत गरेको छ ।
तर पुल एक वर्षात्मा नै जोखिममा परेको स्थानीयको भनाइ छ । जगमा ग्याभिन राख्नुको सट्टा माटो मात्र प्रयोग गर्दा जोखिम बढेको सोताङ गाउँपालिकाका अध्यक्ष वीरबहादुर राईले बताए । प्राविधिकसहितको टोलीले अनुगमन गरेकाले पुनः तारजाली भर्ने काम सुरु गर्ने अध्यक्ष राईले बताए । यो बेलिब्रिज उद्घाटन समेत गरिएको छैन । कोशीपारिका दुई स्थानीय तहका लागि मेरुदण्डका रुपमा रहेको यो पुल बनेपछि खुसी भएका स्थानीय उद्घाटन नहुँदै भत्किन थालेपछि निराश बनेका छन् ।
पुल छिटो सकाउने ध्याउन्नमा कमसल तरिकाले काम गरेको हो कि भन्ने आसंका पनि व्यक्त गरिएको छ । २०७५ चैत १९ गते बेलिब्रिज निर्माणका लागि महाकुलुङ गाउँपालिका र सोताङ गाउँपालिकाबीच सम्झौता भएको थियो । निर्माणका लागि प्रदेश १ सरकारको ४६ लाख महाकुलुङको ५० लाख र सोताङ गाउँपालिकाको १ करोड बजेट खर्च भएको छ ।
क्याटेगोरी : बिबिध
ताजा अपडेट
- जसपा नेपालले कानुनी उपचार खोज्ने
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया