सोलुबाट १२ सय क्विन्टल बढी जडीबुटी निकासी
सोलुखुम्बु । हिमाली जिल्ला सोलुखुम्बुबाट एक आर्थिक वर्ष मा १२ सय क्विन्टलभन्दा बढी जडीबुटी (गैरकाष्ठ वन पैदावर) निकासी भएको छ । गत आर्थिक वर्ष २०७८/०७९ मा जिल्लाको सामुदायिक, निजी र राष्ट्रिय वन क्षेत्रबाट १२ सय ४८ दशमलव ३ क्विन्टल जडीबुटी निकासी भएको डिभिजन वन कार्यालय सोलुखुम्बुले जनाएको छ ।
कार्यालयका सहायक वन अधिकृत आनन्द चौधरीका अनुसार सामुदायिक वनबाट ६० हजार छ सय १० किलो, निजी वनबाट ४९ हजार एक सय किलो र राष्ट्रिय वनबाट १५ हजार एक सय २० किलो जडीबुटी निकासी भएको हो । लिखुपिके, सोताङ र माप्यदुधकोशी गाउँपालिका क्षेत्रबाट बढी मात्रा जडीबुटी निकासी भएको छ ।
जिल्लामा सामुदायिक वन ३२ हजार सात सय ३ दशमलव ९६ हेक्टर, निजी एक सय ८५ दशमलव पाँच हेक्टर र राष्ट्रिय वन छ हजार आठ सय ८५ दशमलव तीन हेक्टर क्षेत्रफलमा फैलिएको छ । ती वन क्षेत्रहरूबाट मछिनो, चिराइतो, मजिठो, लोक्ता, अर्गेली, कालो तथा सेतो मुस्ली, धुपीको पात तथा चोइटा, मलागिरी, तितेपाती, विषजरा, गोब्रे सल्लाको पात, कुट्की, पदमचाल, पाखम्भेद, बुकीफूललगायतका जडीबुटी निकासी हुनेगरेको अधिकृत चौधरीले बताए । उक्त जडीबुटीहरू औषधिका लागि झापा, काकड्भिट्टा, काठमाडौं हुँदै भारत निकासी हुनेगरेको डिभिजन वन कार्यालय सोलुखुम्बुले जनाएको छ ।
क्याटेगोरी : बिबिध
ताजा अपडेट
- मधेश प्रदेशः १० महिनामा करिब १९ प्रतिशत खर्च
- कार्यदलको बैठक निष्कर्षविहीन, शुक्रबार बिहान पुनः बस्ने
- बजेटमा कृषि क्षेत्र उच्च प्राथमिकतामाः प्रधानमन्त्री
- ‘चिकित्सा जनशक्ति उत्पादनमा स्वास्थ्य विज्ञान संस्थानको योगदान सराहनीय’
- सञ्चारमन्त्री शर्माद्वारा ‘गणतन्त्र दिवस तस्बिर प्रदर्शनी’ उद्घाटन
- जिप दुर्घटनामा १२ जना घाइते
- विश्वभर बुद्धधर्मको महत्व छ: परराष्ट्रमन्त्री श्रेष्ठ
- निर्णायक राष्ट्रिय शक्तिको रूपमा एमालेलाई स्थापित गर्नुपर्छ: मुख्यमन्त्री अधिकारी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया