विश्व बैंकको सहयोगमा शिशुवा–सातमुहाने सडक स्तरोन्नति हुने
पोखरा । पोखरा महानगरपालिका वडा नं. ३० को शिशुवादेखि सातमुहानेसम्मको सडक स्तरोन्नति हुने भएको छ । सडक स्तरोन्नति गर्नका लागि विश्व बैंकले एक अर्ब रुपैयाँ सहयोग गर्ने भएको हो । सडक स्तरोन्नतिका लागि विश्व बैंकका अधिकारीहरूले गत मंगलबार सो रकम स्वीकृत गरेका थिए ।
सडक स्तरोन्नति गर्न पोखरा महानगरपालिकाको दुई महिनाअघि सम्पन्न कार्यपालिका बैठकले सहयोग माग्ने निर्णय गरेको थियो । सोही निर्णयबमोजिम महानगरले विश्व बैंकसँग सहयोग मागेको थियो । त्यसपछि विश्व बैंकका प्रतिनिधिले सो सडकको अनुगमन गर्दै स्थानीय र सरोकारवालासँग छलफल गरेका थिए । पोखरा ३० का वडाध्यक्ष दुर्गा सुवेदीले मंगलबार सहयोग रकम स्वीकृत भएको विश्व बैंकका प्रतिनिधिले टेलिफोनमार्फत जानकारी गराएको बताए । अब छिट्टै सडक स्तरोन्नतिको प्रक्रिया अघि बढ्ने र बढीमा एक वर्षभित्रमा काम सम्पन्न गरिने वडाध्यक्ष सुवेदीले बताए । यस सडकका लागि आफ्नै पहलमा महानगरको कार्यपालिका बैठकले निर्णय गरेको र विश्व बैंकसम्म प्रस्ताव पुगेको उनले बताए ।
स्तरोन्नति गर्ने भनिएको सडकको अधिकांश भाग वडा नं. ३० मा पर्छ भने केही भाग वडा नं. ३२ पनि पर्छ । यस सडकखण्ड अहिले निकै जीर्ण छ । सातमुहानेसम्म सडक स्तरोन्नति भएपछि रुपा गाउँपालिका हुँदै लमजुङ जानेलाई निकै सजिलो पर्नेछ । यसले पृथ्वी राजमार्गको चापलाई कम गर्नेछ । रुपा गाउँपालिकातर्फको सडक यसअघि नै कालोपत्र र स्तरोन्नति भइसकेको छ । गण्डकी प्रदेश सरकारले रुपा गाउँपालिकाको पहलमा रुपा हुँदै लमजुङ जोड्ने सडकको स्तरोन्नति तथा कालोपत्र गरेको थियो । गाउँपालिकापट्टिको सडक स्तरोन्नति र कालोपत्र भएपछि शिशुवादेखि सातमुहानेसम्मको सडक पनि स्तरोन्नति गर्नका लागि स्थानीयले दबाब दिँदै आएका थिए ।
क्याटेगोरी : पालिका समाचार, महानगर
ट्याग : #Page 12
ताजा अपडेट
- सुन तस्करीको आरोप लागेका सुमनमान ताम्राकारविरुद्ध अदालतको अवहेलनामा मुद्दा दायर
- फाइनल प्रवेशका लागि रियल र बार्यन भिड्दै
- बुढ्यौलीमा चोटसँग जुधेर खेलिरहेका धोनी
- प्रमुख प्रतिपक्षीले उठाएका विषयवस्तुप्रति सरकारले बेवास्ता गरिरहेको छ – प्रमुख सचेतक लेखक
- सहकारीमा दोस्रो तहको नियामक अतिआवश्यक :पूर्वअर्थमन्त्री खतिवडा
- मेची भन्सारद्वारा ११ अर्ब ३२ करोडभन्दा बढी राजश्व संकलन
- यी हुन आज शेयर बजारबाट सबैभन्दा धेरै कमाउने दश कम्पनी
- औद्योगिक विकासतर्फ अग्रसर हुन घरेलु उद्यमशीलतालाई बढावा दिन जरुरी छ: राष्ट्रपति पौडेल
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया