विद्युतीय सेवा प्रवाहमा अग्रगामी परिवर्तन गर्दै शुद्धोधन
बुटवल । शुद्धोधन गाउँपालिका, रुपन्देहीले विद्युतीय सेवा प्रवाहमा विशेष जोड दिएको छ । गाउँपालिकावासीले अब आफूले लिने सेवाहरू विद्युतीय माध्यमबाट आफ्नो घरघरबाटै सेवा लिन पाउने भएका छन् । गाउँपालिकाका प्रमुख प्रशासकीय अधिकृत लेखनाथ पोखरेलका अनुसार स्थानीयहरूले मोबाइल एप्लिकेसनमार्फत सेवा सुविधा प्राप्त गर्न पाउने भएका हुन् ।
प्रमुख प्रशासकीय अधिकृत पोखरेलले गाउँपालिकाले विद्युतीय सरकार निर्माणका लागि द एसिया फाउन्डेसनसँगको सहकार्यमा पाँच वर्षे विकास कार्ययोजना ल्याइएको बताए । यस कार्यक्रमअन्तर्गत ३५ भन्दा बढी सेवाहरू ई–सिफारिसमार्फत सेवाग्राहीले पाउनेछन् । विस्तारै पालिकालाई पेपरलेस गभर्मेन्टमा लैजाने उद्देश्यअनुरूप सो कार्यक्रम सञ्चालनमा ल्याइएको उनले बताए । सेवाग्राहीले उक्त एप्लिकेसन डाउनलोड गरी त्यहाँ दिइने निर्देशनअनुसार कुनै पनि कुनाबाट आफूले चाहेको सेवा लिन सक्ने उनले बताए ।
यस्तै, गाउँपालिकाले इ–सेवासँगको साझेदारीमा डिजिटल भुक्तानी सेवा समेत सञ्चालनमा ल्याएको छ । प्रमुख प्रशासकीय अधिकृत पोखरेलले हाल इ–सेवासँग मात्र जोडिए पनि क्रमिकरूपमा अन्य वित्तीय संस्थाहरूसँग पनि जोडिएर सहजरूपमा भुक्तानी दिने व्यवस्था गर्न लागेको बताए । यस्तै, उनले डिजिटल नागरिक बडापत्र, किसान कार्ड रजिस्ट्रेसन, इ–सिफरिस प्रणालीलाई फागुन महिनाभित्र सञ्चालन गर्ने बताए । पाँच वर्षे विद्युतीय सरकार विकास योजनामा सार्वजनिक सवारी साधनहरुमा जीपीएस जडान, विद्यार्थीहरूको इ–हाजिरी प्रणाली, अनलाइन नक्सापास प्रणाली, डिजिटल घर नम्बर जडान, स्मार्ट अफिस म्यानेजमेन्ट प्रणाली, स्मार्ट ट्याक्स प्रणाली, अनलाइन दर्ता/चलानी प्रणालीलगायत करिब एक सयभन्दा बढी सेवाहरू रहेको उनले जानकारी दिए ।
क्याटेगोरी : पालिका समाचार, गाउँ पालिका
ट्याग : #Page 7
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया