ट्राफिक उज्यालो अभियान छ हजारलाई सचेतना कक्षा
काठमाडौं, पुस ८
‘समुदाय प्रहरी साझेदारीअन्तर्गत रहेर सडक प्रयोगकर्ता, पैदल यात्री, चालक र सहचालक, स्कुल र कलेजका विद्यार्थीहरूलाई ट्राफिक नियम, सडक अनुशासन र सडक सचेतना अभिवृद्धि गर्न महानगरीय ट्राफिक प्रहरी महाशाखाले तीन महिने विशेष ट्राफिक उज्यालो अभियानमार्फत छ हजार जनालाई सचेतना प्रदान गरेको छ ।
एक हप्तामा मात्रै सार्वजनिक भाडाका सवारी चालक र सहचालक सात सय तीन जना, ट्याक्सी चालक ७० जना, मोटरसाइकल चालक एक हजार छ जना, सिंहदरबारस्थित विभिन्न मन्त्रालयका सरकारी चालक छ सय १२, नेपाली सेनाका चालकहरू ५७, पैदलयात्री २६ सय ३५ र विद्यार्थी आठ सय एक गरी जम्मा पाँच हजार आठ सय ८४ जनालाई ट्राफिक नियम र सडक अनुशासनबारे छर्लङ्गै हुनेगरी प्रशिक्षित तुल्याएको महाशाखा प्रमुख प्रहरी वरिष्ठ उपरीक्षक भीमप्रसाद ढकालले जानकारी दिए । उनले भने ‘हामीले’ कोर्ष’ नै डिजाइन गरी ट्राफिक सचेतना प्रदान गरेका छौँ ।
‘यो अभियानअन्तर्गत दैनिकरूपमा महाशाखा र मातहतका ४० इकाइबाट ट्राफिक नियमसम्बन्धी पर्चा पम्प्लेट, स्टिकर वितरण र श्रव्यदृष्य प्रदर्शनी गरी ट्राफिक नियमबारे सचेतना दिएको, सरकारी, सार्वजनिक भाडा र निजी क्षेत्रका चालकलाई पायक पर्ने ठाउँमा र स्कुल र कलेजका विद्यार्थीलाई विद्यालयमै गएर सचेतना कक्षा लिने गरिएको छ ।
ट्राफिक सचेतना अवधारणालाई नागरिकसम्म पु-याउने, सडक अनुशासनको विषयलाई संस्कारका रूपमा विकास गर्ने, सडक प्रयोगकर्तासँगको सम्बन्ध, सहयोग र सहकार्य बढाउने, सडक दुर्घटना न्यूनीकरण गर्ने तथा ट्राफिक व्यवस्थापनमा सुधार ल्याउने उद्देश्यले यो अभियान सुरु गरिएको महाशाखाका प्रवक्ता तथा प्रहरी उपरीक्षक जीवनकुमार श्रेष्ठले जानकारी दिए ।
साथै उक्त अभियान सञ्चालनका लागि दैनिक प्रहरी अधिकृतसहित एक सय ३० ट्राफिक प्रहरीको जनशक्ति परिचालन छन् भने यस अभियान पुस एक गतेबाट सुरू भएको र फागुन मसान्तसम्म सञ्चालन हुने र अभियानका क्रममा एक लाख नागरिकलाई सचेतना दिइने कार्यक्रम रहेको छ ।
क्याटेगोरी : नेपाल
ताजा अपडेट
- जसपा नेपालले कानुनी उपचार खोज्ने
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया