दोलखाका झण्डै चार हजार भूकम्पपीडितको नाम लाभग्राही सूचीबाट हटाइने
दोलखा ।
दोलखाका झण्डै चार हजार भूकम्पपीडितको नाम लाभग्राही सूचीबाट हटाइने भएको छ । निजी आवास निर्माणका लागि सम्झौता गर्न नआएका यहाँका तीन हजार आठ सय ५८ जना भूकम्पपीडितलाई लाभग्राही सूचीबाट हटाउन लागिएको हो ।
यसअघि १०औँ पटकसम्म ताकेता गर्दा पनि सम्झौता गर्न नआएपछि उनीहरूको नाम लाभग्राही सूचीबाट हटाउन राष्ट्रिय पुनर्निमाण प्राधिकरण केन्द्रमा पठाइएको जिल्लास्तरीय आयोजना कार्यान्वयन एकाइ तथा स्थानीय पूर्वाधारको कार्यालय दोलखाका कम्प्युटर अप्रेटर टिका जोशीले जानकारी दिए ।
उनका अनुसार सबैभन्दा बढी भीमेश्वर नगरपालिकाका सात सय ९८ र सबैभन्दा कम गौरीशंकरका दुई सय ८२ जनाको नाम हटाउन केन्द्रमा पठाइएको छ । यसैगरी जिरी नगरपालिकाका चार सय ९४, शैलुङका चार सय ४६, तामाकोशीका तीन सय ४९, विगुका तीन सय एक, बैतेश्वरका तीन सय ५२, कालिञ्चोक गाउँपालिकाका दुई सय ९९ र मेलुङ गाउँपालिकाका पाँच सय ३७ जना भूकम्पपीडित लाभग्राहीको नाम हटाउन पठाइएको हो ।
सम्झौता गर्न नआउनेहरूमा दोहोरो नाम आएका, केही मुत्यु भइसकेका र केही घर निर्माण गर्न नचाहनेहरू रहेका छन् । दोलखामा पाँच वर्षको अवधिमा ६० हजारभन्दा बढी घर पुनर्निर्माण भएका छन् । राष्ट्रिय पुनर्निर्माण प्राधिकरण जिल्ला आयोजना कार्यान्वयन एकाइ अनुदान व्यवस्थापन तथा भौतिक पूर्वाधारको कार्यालयका अनुसार हालसम्म ५९ हजार सात सय ४५ भूकम्प प्रभावितले तेस्रो किस्ता लिएका छन् । जिल्लाका कुल ७३ हजार चार सय ६८ भूकम्प लाभग्राहीमध्ये ६९ हजार पाँच सय १५ जनाले पहिलो किस्ता लिएका छन् भने ६४ हजार ९५ जनाले दोस्रो किस्ता लिएका छन् ।
कुल भूकम्प प्रभावितमध्ये ९८ दशमलव ९८ प्रतिशत लाभग्राहीले पहिलो किस्ता लिएकामा ८७ दशमलव ९९ प्रतिशत भूकम्प प्रभावितले अन्तिम किस्ता लिएका छन् । त्यसैगरी जिल्लामा हालसम्म निजी आवास पुनर्निर्माणअन्तर्गत १८ अर्ब ४४ करोड ९३ लाख ५० हजार रूपैयाँ खर्च भएको छ । निजी आवासतर्फ यस वर्ष मात्रै एक अर्ब ३९ करोड ७२ लाख खर्च भएको पुनर्निर्माण प्राधिकरणको कार्यालय दोलखाले जनाएको छ ।
क्याटेगोरी : बिबिध
ताजा अपडेट
- साढे चार प्रतिशतको आर्थिक वृद्धिदर हासिल गर्छौं : अर्थमन्त्री पुन
- श्रमिकको सीपमा लगानी गर्नुपर्छ स् श्रममन्त्री अर्याल
- नेपाल वेस्ट इन्डिज ‘ए’सँग पराजित
- बौद्धिक जनशक्तिको पलायन रोक्न स्वदेशमा रोजगारी उपलब्ध गराइने
- ‘डढेलो नियन्त्रणको ज्ञान नहुँदा ज्यानै गयो’
- आगामी बजेटमा आमसञ्चारको धारणा समेट्दै सञ्चार मन्त्रालय
- श्रम मन्त्रालयद्वारा ‘श्रमदान’ अभियानको घोषणा
- श्रम क्षेत्रका विभेद हटाउन नीतिगत सुधार आवश्यक छ: अध्यक्ष नेपाल
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया