चार लेनको पुलले जोडेपछि महाकाली पारि बढ्न थाल्यो आर्थिक क्रियाकलाप
महेन्द्रनगर ।
महाकाली नदीमा पुल बनेपछि नदीपारिका दोधारा–चाँदनी क्षेत्रमा आर्थिक गतिविधि बढेको छ । विगतमा दोधारा चाँदनीमा गाडी जाने सहज पुल नहुँदा विभिन्न अभाव झेल्नुपरेको थियो । तर, सडक सञ्जालले जोडिएपछि भने आर्थिक गतिविधिको लागि पनि बाटो खोलिदिएको छ । जिल्लाको महाकाली नदी पारि रहेको दोधारा–चाँदनी क्षेत्र विकासको दृष्टिकोणले निकै पछाडि छ ।
नगरपालिका क्षेत्रदेखि सदरमुकाम क्षेत्रमा आवातजावत गर्नको लागि मौसमी सडक समेत नभएका यहाँका स्थानीयलाई महाकाली नदीमा चार लेनको पक्की पुल बनेसँगै सहज भएको हो । नदीमा पुल बनेपछि दोधारा चाँदनीका स्थानीय पनि सोझै सदरमुकामसँग जोडिन पाएका छन् । महाकाली चार लेनको पुल निमार्णको ६० प्रतिशत निर्माणको काम सकिएको छ ।
यस्तै स्थानीयलाई निर्माणाधीन पुलबाटै आवातजावत गर्न पनि सहज भएको छ । स्थानीय तर्कराज भट्टले मानव बस्ती बसेको दुई दशकपछि पुल निर्माण भएको बताए । उनले घर किनारमै एउटा किराना पसल पनि राखेका छन् । किराना पसल राखेका उनलाई दैनिक सदरमुकाम आवतजावत गर्न सहज भएको छ ।
महाकाली पारिको दोधारा चाँदनी क्षेत्र भारतीय सीमा क्षेत्रसँग जोडिएको छ । भारतसँग जोडिएकोले दोधारा चाँदनीका स्थानीय किनमेल र औषधोपचारका लागि भारततिर जाने गरेका थिए । सो क्रममा सीमामा भारतीय सुरक्षाकर्मीको दुव्र्यवहारसमेत खेप्दै आएका थिए । पुल निर्माण भएपछि स्थानीयलाई भारतीयको ज्यादती खेप्नुपर्ने बाध्यता समेत हटेको छ ।
महाकाली नदीमा पक्की पुलको निर्माणपछि सडक सञ्जालसँग जोडिएको दोधारा चाँदनी नगरपालिका क्षेत्रमा आर्थिक गतिविधि पनि बढ्दै गएको छ । नगरपालिका क्षेत्रका स्थानीय प्रत्यक्ष रुपमा सदरमुकाम महेन्द्रनगर तथा सडक सञ्जालसँग जोडिएपछि विभिन्न उद्योग स्थापना र आर्थिक लगानी गर्ने क्रम बढेको छ । महाकाली पारिको क्षेत्र भएकोले नेपाली नम्बर प्लेटका नेपाली मालवाहक गाडीहरुको दृश्य पनि दुर्लभ हुने गरेकोमा अहिले भने दिनहुँ दोधारा चाँदनी क्षेत्रमा सामान बोकेर नेपाली गाडी आउने गरेका छन् ।
आर्थिक गतिविधि बढेसँगै नदीपारिका नागरिकलाई उच्च शिक्षाको लागि सदरमुकाम क्षेत्रसँग जोडिनको लागि पनि सहज भएको छ । विगतका दिनमा माध्यमिक शिक्षादेखि उच्च शिक्षा हासिल गर्नको लागि दोधारा चाँदनी नगरपालिका क्षेत्रका विद्यार्थीले सदरमुकाममा कोठा भाडामा लिएर बस्नुपर्ने बाध्यता थियो ।
यस्तै दोधारा चाँदनी क्षेत्रका स्थानीय राजेन्द्र मल्लले पनि भौगोलिक कारण पछाडि परेको क्षेत्र पुल निमार्णका कारण अगाडि बढ्न लागेको बताए । ‘भूगोलका कारण पछाडि परेको क्षेत्र आर्थिक रुपमा एकदमै धराशायी भएको अवस्था थियो’, स्थानीय मल्लले भने, ‘उत्पादनका लागि राम्रो मानिने यो क्षेत्रमा पछिल्लो सयम आर्थिक गतिविधि बढेको छ ।’
क्याटेगोरी : कर्पोरेट-वाणिज्य-उद्योग
ताजा अपडेट
- जसपा नेपालले कानुनी उपचार खोज्ने
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया