सुबास बस्नेत
दोलखा, पुस २४
दोलखा उच्च ठाउँमा रहेको कालिञ्चोकको केबलकारमा यात्रा गर्ने यात्रुको संख्या खासै वृद्धि नभएको पाइएको छ । पछिल्लो समय कालिञ्चोक मन्दिरमा दैनिक दुई हजार पाँच सय पर्यटक पुग्ने गरेका छन् । केबलकारको प्रयोग भने दैनिक करिब पाँच सय जनाले मात्रै गर्ने गरेका छन् । दुई हजारभन्दा बढी नागरिक पैदल यात्रा गरेर नै कुरीदेखि कालिञ्चोक मन्दिरसम्म जाने गरेका छन् ।
कालिञ्चोक केबलकार प्रालिले सातामा दुई दिन ४० प्रतिशत छुट दिए पनि पर्यटकले पैदलयात्रा रुचाएका हुन् । भ्रमण वर्षको पहिलो दिन गत बुधबार दोलखाको कालिञ्चोकमा आठ सय नागरिकले केबलकारको यात्रा गरेका थिए भने एक हजार पाँच सय नागरिकले हिँडेर नै यात्रा गरेका थिए । त्यसैगरी बिहीबार र शुक्रबार करिब दुई हजार पर्यटकले केबलकारको यात्रा गरेर कालिञ्चोक भगवती मन्दिरको दर्शन गरेको केबलकार सञ्चालक समितिले जनाएको छ । सोसँगै दुई दिनमा करिब छ हजार नागरिकले पैदल यात्रा गरेका थिए ।
त्यसैगरी बाँकी चार दिनको अवधिमा करिब तीन हजार पाँच सय नागरिकले केबलकार चढेर मन्दिर पुगेका छन् । १५ हजार नागरिकले पैदल हिँडेर मन्दिरमा दर्शन गरेका छन् । जनवरी १ तारिख छिमेकी देश भारतका तीन सय ९० जना पर्यटकले केबलकारको यात्रा गरेका छन् भने सामान्य रूपमा अन्य देशका नागरिकले पनि फाट्टफुट्ट रूपमा यात्रा गरेको कालिञ्चोक दर्शन लिमिटेडका प्रमुख कार्यकारी अधिकृत अशोक शिवाकोटीले जानकारी दिए । उनका अनुसार भ्रमण वर्ष सुरु भएपछि केबलकार प्रालिले सातामा दुई दिन यात्रुको टिकटमा ४० प्रतिशतले छुट दिएपछि सामान्य रूपमा केबलकारको यात्रा गर्ने नागरिकको संख्या बढेको बताए ।
दोलखाको पर्यटकीय क्षेत्रको रुपमा रहेको कालिञ्चोक भगवती मन्दिरको दर्शनका लागि आन्तरिक तथा बाह्य पर्यटकहरु आउने गरेका छन् । कालिञ्चोक दर्शन लिमिटेडका प्रमुख कार्यकारी अधिकृत अशोक शिवाकोटीले भ्रमण वर्ष सुरु भएसँगै तीन सय ९० जना विदेशी पर्यटकले केबलकारको प्रयोग गरेको जानकारी दिए । उनका अनुसार एक साताको अवधिमा ३० लाख भन्दा बढी रकम संकलन भएको छ । अघिल्लो सातको बुधबारबाट लागू हुने गरी भ्रमण वर्षलाई लक्षित गर्दै केबलकारले टिकटमा छुट दिइरहेको छ । कालिञ्चोक दर्शन लिमिटेडले सञ्चालन गरेको कालिञ्चोक केबलकार चढ्ने दोलखासहित तीन जिल्लाका स्थानीयवासीलाई छुट दिइएको हो । भ्रमण वर्षलाई लक्षित गर्दै दोलखा, रामेछाप र सिन्धुपाल्चोक जिल्लाका स्थानीय बासिन्दाका लागि टिकटमा ४० प्रतिशत छुट दिने निर्णय गरेको कालिञ्चोक दर्शन लिमिटेडले जनाएको छ ।
क्याटेगोरी : बिबिध
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया