सीबी लामाले पुनः दिए आर्थिक दैनिकलाई धम्की
काठमाडौं । पशुपति बचत तथा ऋण सहकारी संस्था लि. डुबाएर कान्तिपुर बचत तथा ऋण सहकारी संस्था लि. समेत डुब्ने लगभग निश्चित भएपछि अरुलाई टाँसो लगाएर हिँडेका सहकारीका निवर्तमान अध्यक्ष चन्द्रबहादुर (सीबी) लामाले आफ्नो अनुकूलको समाचार नलेखेको भन्दै आर्थिक दैनिकका प्रतिनिधिलाई फोन गरेर धम्की दिएका छन् ।
लामाले कान्तिपुर बचत तथा ऋण सहकारीमा रहेर आफ्नो श्रीमतीको नाममा पशुपति सहकारी खोली कान्तिपुरका सेयर सदस्य निक्षेपकर्ताहरुलाई पशुपतिमा लानेदेखि कान्तिपुर सहकारीमा बसेर आफ्नो अनुकूलमा लगानी गरी कान्तिपुरलाई जोखिममा पु-याएर सहकारी छोडेर हिँडेको समाचार आर्थिक दैनिकमा प्रकाशित भएपछि विभिन्न नम्बरबाट आर्थिक दैनिकका प्रतिनिधिलाई फोन गर्दै धम्की दिएका हुन् ।
समाचार प्रकाशित भएकै दिन समेत फोन गरेर तलाई म देखाइदिन्छु मेरो समाचार किन लेखिस् भन्दै अश्लील शब्द प्रयोग गरेका लामाले बिहीबार पुनः फरक नम्बरबाट फोन गर्दै धम्की दिएका हुन् ।
चन्द्रबहादुर (सीबी) लामाले ९८०३९१२६७५ र ९८५१०२५९५७ नम्बर प्रयोग गरी आर्थिक दैनिकका प्रतिनिधिलाई बिहीबार फोन गर्दै समाचार आउँदा आफू काठमाडौं बाहिर भएको र अहिले काठमाडौं आएकोले बचेर समाचार लेख्न भन्दै धम्की दिएका हुन् ।
चन्द्रबहादुर को हो चिन्न र समाचार लेख्न धम्की दिएका लामाले आफू समाचार लेख्नेको विरुद्धमा जेसुकै गर्न पनि पछि नपर्ने र बचेर हिँड्न समेत चुनौती दिए । लामा यति बेला काठमाडौंको तीनकुनेमा रहेको कान्तिपुर अस्पताल प्रा.लि.का अध्यक्षको रुपमा रहँदै आएका छन् ।
कांग्रेस नेता शशांक कोइरालाको राजनीतिक संरक्षण पाएका लामाले पशुपति सहकारीमा सर्वसाधारणले जम्मा गरेको अर्बौँ रुपैयाँ घोटाला गर्दा समेत खुलेआम हिँड्ने गरेका छन् ।
आफ्नो सानो संख्यामा सेयर स्वामित्व रहेको कान्तिपुर अस्पताललाई देखाउँदै पशुपति सहकारीमा पैसा लिन आउनेहरुलाई छल्दै डाँट्दै आएका लामाले कान्तिपुरलाई समेत सोही बाटोमा लगाएर आफू पानीमाथि ओभानो बन्ने नाटक रच्दै आएका छन् । लामा २०७४ को चुनावमा कांग्रेस काभ्रेबाट चुनाव समेत उठेका थिए ।
क्याटेगोरी : समाचार
ताजा अपडेट
- नेपाल लाइफले मनायो २३औँ वार्षिकोत्सव
- आजदेखि नेपालमा ‘इन्ड्राइभ’को आधिकारिक रुपमा सेवा सुरु
- जनकपुरमा सहकारी संस्थाका कर्मचारीबाट लुटियो ८० लाख
- अग्नीपीडितलाई लहान नगरपालिकाको सहयोग
- दैलेखमा पेट्रोलियम पदार्थ अन्वेषणको अन्तिम ड्रिलिङ सुरु
- धनगढी उपमहानगरद्वारा २३ करोड राजस्व सङ्कलन
- नीति तथा कार्यक्रमको लागि बिज्ञ समुह संग छलफल गर्दै मन्त्री श्रेष्ठ
- नेवार र तामाङ भाषा बागमती प्रदेशभित्र सरकारी कामकाजमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया