पूर्वी क्षेत्रका उद्योगी व्यवसायीलाई कर, भन्सार र भीसीटीएससम्बन्धी प्रशिक्षण
काठमाडौं । पूर्वी क्षेत्रका उद्योगी व्यवसायीलाई कर, भन्सार र भेहिकल कन्साइनमेन्ट एन्ड ट्राकिङ सिस्टम (भीसीटीएस) सम्बन्धी प्रशिक्षण दिइएको छ । नाडा अटो मोबाइल्स एसोसिएसन अफ नेपाल र मोरङ अटोमोबाइल्स डिलर्स एसोसिएसन प्रदेश १ विराटनगरको संयुक्त आयोजनामा विराटनगरमा एक दिने प्रशिक्षण कार्यक्रम आयोजना गरिएको हो ।
कार्यक्रममा मोरङ अटोमोबइल्स डिलर्स एसोसिएसनमा आबद्ध विभिन्न फर्म कम्पनीका गरी ८० जना व्यवसायीको सहभागिता थियो । कार्यक्रमका सहभागीहरुलाई इटहरी राजस्व अनुसन्धान कार्यालयका प्रमुख अनुसन्धान अधिकृत तीर्थराज खनाल, आन्तरिक राजस्व कार्यालय विराटनगरका प्रमुख कर अधिकृत सूर्य पोखरेल र कर अधिकृत रमेश ओझाले प्रशिक्षण दिएका थिए ।
त्यसैगरी उक्त कार्यक्रममा भन्सार कार्यालय रानीका अधिकृत अरुण पौडेल र अधिकृत अमित तिवारी तथा चार्टर्ड एकाउन्टेन्ट साहिल अग्रवालले समेत प्रशिक्षण दिएको आयोजकले जानकारी दिएको छ । कार्यक्रममा नाडा अटोमोबाइल्स एसोसिएसन अफ नेपालका अध्यक्ष ध्रुवबहादुर थापाले हाल सवारीसाधन आयात गर्न बन्देज भएको अवस्थाले यो व्यवसाय नै धराशायी भएको बताए । यस्तै मोरङ अटोमोबाइल्स डिलर्स एसोसिएसनका अध्यक्ष सञ्जयकुमार श्रेष्ठले व्यावसायिक एकतामा जोड दिए ।
यस्तै अध्यक्ष श्रेष्ठले एसोसिएसनले यस किसिमका विभिन्न व्यावसायिक क्षेत्रलाई टेवा पु-याउने किसिमका तालिम गर्दै आइरहेको जानकारी दिए । आगामी दिनमा पनि यस किसिमका कार्यक्रमलाई निरन्तरता दिँदै जाने उनको भनाइ थियो । कार्यक्रममा कर, भन्सार तथा भेहिकल कन्साइनमेन्ट एन्ड ट्राकिङ सिस्टम (भीसीटीएस) सम्बन्धी विषयमा जानेर वा नजानेर कतिपय व्यवसायीहरुले करमा देखिने समस्या, भन्सार क्षेत्रको विद्यमान व्यवस्था र व्यवसायीहरुले भन्सारमा अपनाउनुपर्ने विषयवस्तु र भीसीटीएसले व्यवसायमा कसरी सहयोग पु-याउनेछ भन्ने सामान्य जानकारी समेत नहुने भएकाले यो प्रशिक्षण कार्यक्रमबाट सम्पूर्ण व्यवसायी प्रतिष्ठानदेखि स्वयं व्यवसायीहरु प्नि लाभान्वित भएको सहभागी व्यवसायीहरुको भनाइ छ ।
क्याटेगोरी : कर्पोरेट-वाणिज्य-उद्योग
ताजा अपडेट
- डढेलोको प्रकोपप्रति सरकारी उदासीनता
- वडाबाटै सामाजिक सुरक्षाभत्ता वितरण
- डढेलोले ड्रयागन फ्रुट फार्म खरानी
- जिरी नगरपालिकाका सबै योजना सम्झौता
- मोरङका खुुला नाकाहरूमा प्रहरीकै संरक्षणमा तस्करी !
- लगानीको वातावरण बनेको सन्देश दिँदै सकियो सम्मेलन
- विकास बैंकहरूको वितरणयोग्य नाफा खुम्चियो
- विकासका उपलब्धि जोगाउन सार्थक सहयोगका लागि उपप्रमको जोड
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया