हराएका २३ वटा दुईपाङ्ग्रे सवारीसाधन सम्बन्धित धनीलाई हस्तान्तरण
काठमाडौं । काठमाडौं उपत्यका ट्राफिक प्रहरी कार्यालयले विभिन्न मितिमा हराएका २३ वटा दुईपाङ्ग्रे सवारीसाधन खोजी गरी धनीलाई हस्तान्तरण गरेको छ । रामशाहपथ स्थित कार्यालयमा बिहीबार एक कार्यक्रम गरी २० वटा मोटरसाइकल र तीनवटा स्कुटर धनीलाई बुझाएको काठमाडौं उपत्यका ट्राफिक प्रहरी कार्यालयका प्रहरी उपरीक्षक अबि नारायण काफ्लेले जानकारी दिए ।
यस आर्थिक वर्षको सुरुवातदेखि हालसम्म सवारीसाधन हराएको भनी एक हजार एक सय ६२ वटा निवेदन काठमाडौं उपत्यका ट्राफिक प्रहरी कार्यालयमा प्राप्त भएका थिए । प्राप्त निवेदनको आधारमा खोजी गर्दा फेला परेका तीन सय ५३ वटा सवारीसाधनमाथि ट्राफिक प्रहरीले अनुसन्धान गरेको थियो । जसमध्ये बिहीबार २३ वटासहित तीन सय २८ वटा दुईपाङ्ग्रे सवारीसाधनलाई ट्राफिक प्रहरीले धनीको जिम्मा लगाइसकेको जनाएको छ । यसै फागुन महिनामा ट्राफिक प्रहरीले विभिन्न स्थानमा खोजी गर्दा फेला परेका चोरीको २४ वटा मोटरसाइकलसहित नियन्त्रणमा लिएका २६ जनालाई पनि आवश्यक कारबाहीको लागि सम्बन्धित प्रहरी कार्यालयहरूमा बुझाइएको छ । अन्य हराई फेला पर्न बाँकी रहेका सवारीसाधनको हकमा समेत काठमडौं उपत्यका ट्राफिक प्रहरी कार्यालयले तदारुकताका साथ अनुसन्धान तथा खोजतलास गरिरहेको जनाएको छ ।
यस्तै चालू आर्थिक वर्षमै धनी नखुलेका ९५ वटा दुईपाङ्गे सवारीसाधनलाई पनि नियन्त्रणमा लिएर थप अनुसन्धानको लागि यातायात व्यवस्था कार्यालय र भन्सार कार्यालयमा बुझाइएको कार्यालयले जनाएको छ । जसमध्ये असोज महिनामा ३६, पुसमा ४०, माघमा १४ र फागुनमा पाँचवटा सवारीसाधन बुझाइएको हो । सवारीसाधन चोरी तथा हराउनबाट जोगाउन सम्बन्धित धनी स्वयंमले पनि आफ्नो सवारीसाधन सुरक्षित स्थानमा पार्किङ गर्ने, ह्वील लक, चेन लक, ह्यान्डिल लक, डिस्क लकलगायत सुरक्षा साइरनहरू जडान गरी सवारीसाधन चोरी तथा हराउनबाट रोक्न विभिन्न उपायहरू अवलम्बन गर्नको लागि पनि ट्राफिक प्रहरीका प्रहरी उपरीक्षक काफ्लेले आग्रह गरेका छन् ।
तेस्रो पक्षबाट क्षति भएका पाइपलाइनको तत्कालै मर्मत गर्ने गरिएको र तेस्रो पक्षबाट क्षतिपूर्ति वापतको रकम सोधभर्ना लिने कार्य समेत अगाडि बढाइएको श्रेष्ठले जानकारी दिए ।
क्याटेगोरी : समाचार
ट्याग : #Page 8
ताजा अपडेट
- जापानका विदेशमन्त्री योको बिदाइ
- अध्यादेश जारी गर्ने बागमती सरकारको निर्णय
- एक अर्ब बराबरको वैदेशिक रोजगार बचतपत्र निष्काशन हुँदै
- सिधाकुरा डटकमसम्बन्धी मुद्दा ‘हेर्दाहर्दै’मा
- जनता समाजवादी पार्टी (जसपा )विभाजित !
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया