दशैँको मुखमा किसानलाई धान भित्र्याउने चटारो
दोलखा । नेपालीहरूको मुख्य पर्व दशैँको मुखमा किसानहरूलाई भने धान भित्र्याउने चटारो छ । दोलखाको बैतेश्वर गाउँपालिका–६ का किसानहरू यतिबेला धान काट्न र झार्नमा व्यस्त छन् ।
यहाँका करिब दर्जनभन्दा बढी किसानले दशैँअघि नै धान काटिसकेका छन् । यसवर्ष दशैँ ढिलो भएकाले पनि खेतमा धान पाकेर सुक्न थालेकोले किसानहरू दशैँअघि नै धान भित्र्याउनतिर लागेको स्थानीय किसान हेमकुमार घिमिरेले बताए । उनी पनि हाल धान काटेर झार्ने काममा व्यस्त छन् । धानबाली भित्र्याएर मात्र दशैँको तयारीमा लाग्ने घिमिरेको भनाइ छ । घिमिरे भन्छन्, ‘मौसम धुम्म बनिरहन्छ । दशैँमा पानी प-यो भने वर्षभरि खाने कमाइ बिग्रने तथा नष्ट गर्ने हुँदा पानी र असिनाको डरले पनि दशैँअघि नै धान काटेको हो ।’ घिमिरले मात्रै होइन, सोही ठाउँका अर्का किसान राम योगीले पनि आठ पाथी धानको बीउ लगाएको खेतमा धान काटेर भ्याइसके । मनसुनले साथ दिएको हुँदा धान उत्पादन पनि राम्रो भएको उनले सुनाए ।
गाउँघरमा दशैँले छपक्कै छोपेको छ । सहर पसेकाहरू परिवारसँग दशैँ मनाउन गाउँघर फर्किन थालिसकेका छन् तर गाउँका स्थानीयलाई भने दशैँको भन्दा धान भित्र्याउने चटारो चलेको योगीले सुनाए । ज्यामिरे खेतमा दशैँअगावै आधाभन्दा बढी खेतमा धान काटेर सकिएको छ ।
क्याटेगोरी : बिबिध, सहकारी–कृषि
ट्याग : #Page 8
ताजा अपडेट
- अर्थतन्त्रका सही नीति यथावत् रहनुपर्छ : अध्यक्ष ओली
- गण्डकीमा मन्त्रिपरिषद् विस्तार, दुई मन्त्रीद्वारा सपथ
- करको दायरा परिवर्तन पारदर्शी हुनेछ: अर्थमन्त्री पुन
- जनता समाजवादी पार्टी निर्वाचन आयोगमा दर्ता
- बाग्मती प्रदेशसभाका विषयगत समितिहरु सभापतिविहीन
- ‘विपद् व्यवस्थापनमा स्थानीय तहबीच सहकार्य जरूरी छ’
- सुन तस्करी प्रकरणमा भारतकी अफगान कूटनीतिज्ञद्वारा राजीनामा
- शेयर बजार ओरालो लाग्ने क्रम जारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया