विप्रो जीई हेल्थ केयरद्वारा नेपालमा भी स्क्यान ऐर सुरु
काठमाडौं । विप्रो जीई हेल्थ केयरले दुर्गम क्षेत्रमा पहुँच पुग्ने हिसाबले भी स्क्यान ऐर सुरु गर्ने घोषणा गरेको छ । वायरलेस, ह्यान्डहेल्ड अल्ट्रासाउन्ड प्रणाली पोइन्ट–अफ–केयरमा सम्पूर्ण शरीर स्क्यानिङ गर्न सकिने हेल्थ केयरले जनाएको छ ।
जीई हेल्थ केयरको अत्याधुनिक सिग्नल म्याक्स टेक्नोलोजीको यो नवीन उपकरणले नेपालमा नवजात शिशु र मातृ मृत्युदरलाई घटाउन सहयोग गर्ने बताइएको छ । भी स्क्यान ऐरको द्रूत र सही डायग्नोसिस गर्ने क्षमताले हेरचाहको विन्दुमा मातृ र शिशु स्वास्थ्य सेवामा राम्रो निर्णय लिने अवसर प्रदान गर्ने कम्पनीको दाबी छ ।
यसले स्वास्थ्य सेवालाई सशक्त बनाउँदै विभिन्न स्वास्थ्य समस्याको उपचार सहज र विश्वासिलो बनाउन सहयोग गर्ने बताइएको छ । जीई हेल्थकेयर दक्षिण एसियाका अध्यक्ष, सीईओ तथा विप्रो जीई हेल्थ केयरका प्रबन्ध निर्देशक चैतन्य सरवटेले आफूहरूको दृष्टि प्रत्येक बिरामीलाई एकीकृत, कुशल र व्यक्तिगतरूपमा हेरचाह गर्न सहज हुने बताए ।
सीईओ चैतन्यले चिकित्सकका लागि जहाँ पनि र जुनसुकै समयमा कुशल हेरचाह प्रदान गर्न सक्ने स्मार्ट उपकरणहरूको बढ्दो आवश्यकता रहेको बताए । भी स्क्यान ऐर यसका लागि उदाहरणीय र भविष्यका लागि अग्रगामी कदम हुने उनको दाबी छ ।
नेपाल एनेस्थेसियोलोजी समाज (सान)का अध्यक्ष तथा मणिपाल शिक्षण अस्पताल, काठमाडौंका एनेस्थेसिया विभाग प्रमुख डा अमिरबाबु श्रेष्ठले भी स्क्यान सुविधाजनक र मूल्यवान उपकरण रहेको बताए । यस अल्ट्रासाउन्ड यन्त्रको पोर्टेबिलिटी विशेष गरी नेपालमा लाभदायक रहेको उनको भनाइ छ । भी स्क्यान ऐर एक टच स्क्रिन इन्टरफेस र टेक्नोलोजीको सहयोगमा व्यक्तिगत र सहज स्क्यानिङको सुविधाका लागि उपयोगी हुने बताइएको छ ।
कम्पनीका अनुसार हालसम्म चिकित्सक माझ भी स्क्यान उत्पादन सुइटबाट निर्मित ५० हजार भन्दा बढी प्रणालीहरू छन् । जसले विश्वव्यापीरूपमा अनुमानित १० करोडभन्दा बढी बिरामीको उपचारमा सहयोग गर्छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
- शिक्षा मन्त्रालयले विद्यार्थीको सिकाइ उपलब्धिलाई ध्यानमा राखेर कार्यक्रम सञ्चालन गर्ने
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया