नेपाल इको प्यानल आईएसओ प्रमाणित

काठमाडौं । नेपाल इको प्यानलले अन्तर्राष्ट्रिय मापदण्ड आईएसओ १४००ः२०१५ बाट मान्यता पाएको छ । सो प्रमाणीकरणले वातावरणीय स्थिरतामा संगठनको समर्पणलाई मान्यता दिएको कम्पनीले जनाएको छ ।

कम्पनीले एक विज्ञप्ति जारी गर्दै वातावरणमा पर्ने असरलाई न्यूनीकरण गर्न कम्पनीले प्रभावकारी उपायहरू लागू गरेको बताएको छ । आईएसओ ४५००ः२०१८ प्रमाणीकरणले नेपाल इको प्यानलले आफ्ना कर्मचारीहरूका लागि सुरक्षित र स्वस्थ कार्यस्थल कायम राख्नमा केन्द्रित रहेको देखाएको कम्पनीले दावी गरेको छ । कम्पनीले आफ्नो कार्यबलको कल्याण सुनिश्चित गर्दै व्यावसायिक स्वास्थ्य र सुरक्षा उपायलाई प्राथमिकता दिएको छ । नेपाल इको प्यानलका प्रमुख कार्यकारी अधिकृत (सीईओ) इन्जिनियर कृष्णभक्त दुवालले यो ट्रिपल आईएसओ प्रमाणीकरण पाउँदा अत्यन्तै गौरवान्वित भएको बताए । यो प्रमाणीकरणले बजारमा आफ्नो उपस्थितिलाई बलियो बनाउने र दिगो जिम्मेवार व्यापार अभ्यासको मिसनलाई अगाडि बढाउने विश्वास गरिएको उनको भनाइ छ ।

‘नेपाल इको प्यानलले प्राप्त गरेको प्रमाणपत्रहरू समर्पणको प्रमाण मात्र होइन, गुणस्तर, वातावरणीय स्थायित्व र कार्यस्थल सुरक्षालाई प्राथमिकता दिन नेपाल र बाहिरका अन्य संस्थाहरूको लागि प्रोत्साहन पनि हो’, कम्पनीले भनेको छ । यी प्रमाणपत्रले नेपाल इको प्यानलको दिगो वृद्धि र जिम्मेवार व्यावसायिक अभ्यासतर्फको यात्रामा एउटा महत्वपूर्ण कोशेढुङ्गा रहेको बताइएको छ ।