काठमाडौं । सरकारले फेरि आन्तरिक ऋण उठाउन थालेको छ । विभिन्न आयोजनाको भुक्तानीका लागि सरकारलाई रकम अभाव भएपछि राष्ट्र बैंकले विकास ऋणपत्र बिक्री गरी पैसाको जोहो गर्न लागेको हो ।
राष्ट्र बैंकले आज मंगलबार आठ वर्ष अवधिको विकास ऋणपत्र २०८८ ‘च’ (८ वर्षे) बिक्री गर्न लागेको हो । यो ऋणपत्र बैंक तथा वित्तीय संस्था, गैरबैंक तथा वित्तीय संस्था, बीमा कम्पनी, संगठित संस्था र नेपाली नागरिकले खरिद गर्नसक्ने राष्ट्र बैंकले जनाएकोे छ ।
विकास ऋणपत्र २०८० मंसिर २० गते निष्काशन भई २०८८ मंसिर २० गते परिपक्व हुनेछ । ऋणपत्र खरिदको लागि आज अपराह्न दुई बजेसम्म बोलकबोल पेस गर्नुपर्नेछ । इच्छुक खरिदकर्ताले प्रतिस्पर्धी वा अप्रतिस्पर्धीरूपमा सहभागी भएर ऋणपत्र खरिद गर्न सक्नेछन् । छुट्याइएको रकममध्ये प्रतिस्पर्धी र अप्रतिस्पर्धी बोलवालाहरूलार्ई क्रमशः निष्काशित रकमको ८५ र १५ प्रतिशत अर्थात् पाँच अर्ब ९५ करोड र एक अर्ब पाँच करोड रुपैयाँ छुट्याएको छ ।
अप्रतिस्पर्धी बोलवालाहरूलाई छुट्याएको रकमको लागि पूरा बोलप्राप्त नभएमा बाँकी हुन आउने रकम प्रतिस्पर्धी बोलवालाहरूलाई बिक्री गरिने राष्ट्र बैंकले जनाएको छ । अप्रतिस्पर्धी बोलवालाहरूलाई छुट्याएको रकमभन्दा बढी रकमको बोलप्राप्त हुन आएमा बोलवालाहरूलाई समानुपातिकरूपमा ऋणपत्रको रकम बाँडफाँट गरिने व्यवस्था छ ।
खरिदकर्ताले न्यूनतम ५० हजार रुपैयाँ अधिकतम ५० हजारले भाग गर्दा कुल निष्काशित रकमको सीमासम्म नबढाई आवेदन दिन पाउनेछन् । राष्ट्र बैंकका अनुसार यो ऋणपत्र खरिदका लागि व्यक्ति तथा संस्थाले बोलकबोल प्रक्रियाअन्तर्गत प्रतिस्पर्धी वा अप्रतिस्पर्धी कुनै एक बोलवालाको रुपमा मात्र भाग लिन व्यवस्था छ ।
१६ अर्ब चार करोडको ट्रेजरी बिल बिक्री
राष्ट्र बैंकले सोमबार १६ अर्ब चार करोड ५० लाख रूपैयाँको टे«जरी बिक्री गरेको छ । मंगलबार ट्रेजरी खरिदको लागि वाणिज्य बैंक, विकास बैंक र फाइनान्स कम्पनीहरूले भाग लिएका थिए ।
बिक्री गरिएको उक्त ट्रेजरीहरू क्रमशः ९१ दिन अवधिको छ अर्ब चार करोड ५० लाख र एक सय ८२ दिन अवधिको १० अर्ब रूपैयाँबराबरको छ । जसमध्ये ९१ दिनको २०८० फागुन २२ गते र एक सय ८२ दिनको २०८१ जेठ २२ गते परिपक्व हुने अवधि तोकिएको छ । राष्ट्र बैंकका अनुसार बिक्री गरिएको सबै ट्रेजरी बिलहरू पुरानो नवीकरण अन्तर्गत हो ।
क्याटेगोरी : बिबिध, बैंक बित्त बजार
ट्याग : #Page 7
ताजा अपडेट
- एक अर्ब बराबरको वैदेशिक रोजगार बचतपत्र निष्काशन हुँदै
- सिधाकुरा डटकमसम्बन्धी मुद्दा ‘हेर्दाहर्दै’मा
- जनता समाजवादी पार्टी (जसपा )विभाजित !
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
- बागमती प्रदेशमा डेङ्गु सङ्क्रमितको सङ्ख्या बढ्दै
- खानीहरुको उत्खनन गरे मुलुकलाई अधिक लाभ हुन्छ: मन्त्री भण्डारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया