१ खर्ब डलर रेमिट्यान्स भित्र्याउने कोशेढुंगाको नजिक भारत
नयाँ दिल्ली । भारतले यो वर्ष एक खर्ब अमेरिकी डलरबराबरको रेमिट्यान्स भित्र्याउन सक्ने विश्व बैंकले बताएको छ । एसियाको तेस्रो ठूलो अर्थतन्त्र भएको भारत सन् २०२२ मा उक्त कोशेढुंगा पार गर्न नजिक पुगेको विश्व बैंकको प्रतिवेदनले देखाएको हो ।
उक्त प्रतिवेदन बुधबार प्रकाशित भएको थियो । यदि एक खर्ब डलर रेमिट्यान्स भित्र्याए भारतमा त्यो पहिलोपटक हुनेछ । विश्वभर छरिएर रहेका भारतीयहरुले पठाएको पैसालाई रेमिट्यान्स भनिन्छ । रेमिट्यान्सले विभिन्न गरिब देशको अर्थतन्त्रमा उल्लेख्य योगदान दिन्छ ।
विश्व बैंकको रिपोर्टअनुसार पछिल्ला केही वर्षयता अमेरिका, बेलायत र सिंगापुरजस्ता उच्च आय भएका देशमा उच्च दक्ष र सीपयुक्त रोजगारीमा सहभागी हुने भारतीयहरु बढिरहेका छन् । त्यसबाहेक कम दक्ष कामदारहरु साउदी अरेबिया, कुवेत र कतारजस्ता खाडी देशमा प्रशस्तै छन् । उनीहरुले रोजगारीबाट आर्जित रकम स्वदेश पठाउँदा भारतले यस्तो दुर्लभ सफलता हासिल गर्न लागेको हो ।
विश्व बैंकका अनुसार सन् २०२१ मा भारतले ८९.४ अर्ब अमेरिकी डलर रेमिट्यान्स भित्र्याएको थियो । गत वर्ष भारतले भित्र्याएको रेमिट्यान्स संसारभरकै सबैभन्दा बढी हो । बैंकले पछिल्लो समय अमेरिकामा श्रम बजार बलियो हुँदा र तलब बढ्दा भारतले फाइदा उठाएको हो । यति धेरै रेमिट्यान्स भित्र्याउनुका बाबजुद यो परिमाण भारतको सन् २०२२ मा कुल जीडीपीको तीन प्रतिशत मात्रै हो ।
भारतबाहेक यस वर्ष धेरै रेमिट्यान्स भित्र्याउनेमा मेक्सिको, चीन र फिलिपिन्स पनि रहने विश्व बैंकले बताएको छ । अर्को वर्ष भने भारतीय डायस्पोरका लागि चुनौतीपूर्ण हुनसक्ने पनि प्रतिवेदनले औँल्याएको छ । यो वर्ष कम आय भएका देशहरुले अनुमानित पाँच प्रतिशतले बढ्दा छ खर्ब २६ अर्ब अमेरिकी डलर रेमिट्यान्स भित्र्याउन सक्ने विश्व बैंकको अनुमान छ ।
क्याटेगोरी : विश्व बजार
ताजा अपडेट
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
- कतारका अमिर शेखको स्वागतमा सांस्कृतिक भेषभूषामा नेपाली
- कतारका अमिरको भ्रमणमा श्रम सम्झौता नवीकरण एउटा मुद्दा, नेपाल के चाहन्छ ?
- मोटरसाइकल दुर्घटनामा धनुषाका पत्रकार यादवको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया