धनगढी । सुदूरपश्चिम प्रदेशको अस्थायी राजधानी धनगढीमा देशकै दोस्रो ठूलो तथा अत्याधुनिक सेवा सुविधायुक्त रक्तसञ्चार सेवा केन्द्र सञ्चालनमा आएको छ । नेपाल रेडक्रस सोसाइटी कैलाली जिल्ला शाखाअन्तर्गत निर्माण गरिएको सुदूरपश्चिम प्रदेशमै अत्याधुनिक सुविधासम्पन्न रक्तसञ्चार सेवा केन्द्र भवनको शुक्रबार हस्तान्तरण गरिएको हो ।
रेडक्रस जिल्ला शाखा कैलालीको पहलमा यूएस प्यासिफिक कमान्ड र यूएस एम्बेसीको सहयोगमा करिब १२ करोडको लागतमा निर्माण भएको सो भवन शुक्रबार एक औपचारिक कार्यक्रमको आयोजना गरी हस्तान्तरण गरिएको छ । भवन हस्तान्तरण कार्यक्रममा सुदूरपश्चिम प्रदेशका आर्थिक मामिला मन्त्री प्रकाशबहादुर शाहले रक्त सञ्चार केन्द्रलाई प्रदेश सरकारले सदैव सहयोग गर्ने प्रतिबद्धता व्यक्त गरेका छन् । उनले रेडक्रसले सञ्चालन गर्ने सबै मानवीय गतिविधिमा प्रदेश सरकार सहयोग गर्न तयार रहेको बताए ।
कार्यक्रममा धनगढी उपमहानगरपालिकाका प्रमुख नृप ओडले रक्तसञ्चार सेवा केन्द्रको सञ्चालनमा उममहानगरपालिकाको सहयोग रहने बताए । यो संरचना प्रदेशकै लागि महत्वपूर्ण रहेको उनको भनाइ थियो । कैलाली रेडक्रसका सभापति उत्तम जोशीले विश्व स्वास्थ्य संगठनद्वारा निर्धारित सम्पूर्ण मापदण्डमा आधारित रहेर उक्त सेवाकेन्द्रमा सुविधाको व्यवस्था गरिने बताए । भवन र उपकरणसहित करिब १२ करोडको लगानी रहेको केन्द्र हिमालय विल्डर्सद्वारा निर्मित र डिजाइन होराइजन कन्सल्टेन्सीले गरेको हो । उक्त भवन यूएस प्यासिफिकको सहयोगमा निर्माण गरिएको हो ।
क्याटेगोरी : नेपाल
ताजा अपडेट
- चीनले ऋणको ब्याजदर घटायो
- टोकियोदेखि न्युयोर्कसम्मका सेयरबजार हिट मोडमा
- अफगानिस्तानमा बाढीमा परी ज्यान गुमाउनेको संख्या १२० पुग्यो
- वडाध्यक्षलाई विद्यार्थीको प्रश्न : ‘खेल्ने सामग्री कसले दिन्छ ?’
- सुर्खेत बस दुर्घटनामा दुईको मृत्यु, २१ घाइते
- जिल्ला अस्पताल हुम्लामा औषधि अभाव
- मर्मतसम्भार नहुँदा जलेश्वर कारागार जीर्ण
- २१ सय बिन्दुमा नजिक पुग्यो बजार परिसुचक
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया