ललितपुरमा एक सय ३१ मिटर लामो झोलुंगे पुल उद्घाटन
ललितपुर ।
ललितपुर महानगरपालिकामा एउटै वडा जोड्ने झोलुङ्गे पुलको उद्घाटन गरिएको छ । ललितपुर महानगरको वडा नम्बर २७ सुनाकोठीको बालकुमारीदेखि ओखाट जोड्ने झोलुंगेपुलको शनिबार माओवादी केन्द्रकी स्थायी समिति सदस्य तथा सो क्षेत्रकी सांसद पम्फा भुसालले उद्घाटन गरेकी हुन् ।
सांसद विकास कोषको एक करोड बजेटबाट सो पुल निर्माण गरिएको हो । एक सय ३१ मिटर लामो सो पुलमा एकैपटक साढे दुई सय मानिस यात्रा गर्न सक्ने प्रदेश सांसद राजकाजी महर्जनले जानकारी दिए । उद्घाटन कार्यक्रमलाई सम्बोधन गर्दै नेत्री भुसालले झोलुङ्गे पुल निर्माणले सो क्षेत्रका आवतजावतलाई सहज बनाउने र आन्तरिक पर्यटनलाई बढावा दिने बताइन् ।
पुललाई ‘बालकुमारी सहरी पर्यटकीय ओखाट पिङ्डोचा जोड्ने झोलुंगे पुल’ नामकरण गरिएको छ । प्रदेश सांसद महर्जनले झोलुंगे पुल निर्माणले सो क्षेत्रमा आन्तरिक पर्यटक बढ्ने र स्थानीयलाई काम गर्न सहज हुने बताए । ‘हिँडेर जाँदा २० मिनेट लाग्ने बाटो अब पाँच मिनेटमा छोटिएको छ’, उनले भने, ‘अब सो भेगमा आन्तरिक पर्यटक बढ्नेछ जसले स्थानीयको जीवनस्तर परिवर्तन गराउनेछ ।’ पुल उद्घाटन गरेपछि भुसाललगायतका अतिथिहरु सोही पुलमा वारपार गरेका थिए ।
क्याटेगोरी : समाचार
ताजा अपडेट
- नयाँ एनसेल सेन्टर वीरगञ्जमा
- इन्ड्राइभको तालिम
- ‘नबिल डिवेन्चर २०८९’ निष्काशनका लागि नेपाल एसबीआई मर्चेन्ट बिक्री प्रबन्धक
- ग्लोबल आइएमई बैंकको वित्तीय साक्षरता
- अमेरिका र क्यानडा पुर्याउने प्रलोभनमा साढे ५ करोड ठग्ने गिरोह नै पक्राउ
- कैलालीका सीमानाका आज साँझदेखि बन्द हुने
- काठमाडौँ महानगरले स्वयम्भूको बुद्ध जयन्ती मेला व्यवस्थित गर्ने
- सङ्घले नेपालमा युरोपेली लगानी भित्र्याउन सघाउने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया