गण्डकी विश्वविद्यालयमा एआई विषय पढाइ हुने
काठमाडौं । गण्डकी विश्वविद्यालयले स्नातकोत्तर तहमा आर्टिफिसियल इन्टेलिजेन्स (एआई) विषयको पठनपाठन सुरु गर्ने भएको छ । विश्वविद्यालयमा हाल सूचना प्रविधि, खेलकुद व्यवस्थापन, बिफर्मा, बिएएलएलबी र व्यवस्थापन विषयमा स्नातक तहमा पढाइ हुँदै आएको छ ।
विश्वविद्यालयका रजिस्ट्रार डा कैलाश तिमिल्सिनाका अनुसार स्नातकोत्तर सुरु गर्न तयारी भइरहेको छ । विश्वविद्यालयले आर्टिफिसियल इन्टेलिजेन्ससँगै मौसम परिवर्तन विषयको पठनपाठन गर्ने योजना बनाएको उनले बताए । विश्वविद्यालयको कृत्रिम बौद्धिकता र इन्जिनियरिङका कक्षाहरू यस वर्ष थप गर्ने उद्देश्य रहेको छ । विश्वविद्यालयका उद्देश्य प्राप्त गर्न उपयुक्त विधि तथा प्रक्रियामार्फत मानवीय, भौतिक तथा आर्थिक स्रोतहरूको परिचालनका लागि निश्चित संगठन आवश्यक रहने उनले बताए । विश्वविद्यालयमा हाल विभिन्न ५२ जिल्लाका चार सय ६० जना विद्यार्थी छन् । गत आवमा १६ जना शिक्षक र २१ कर्मचारी नियुक्त गरिएको छ । हाल विश्वविद्यालयमा २४ जना शिक्षक र ५० कर्मचारी स्थायीरूपमा कार्यरत छन् ।
हाल विश्वविद्यालयले पाँच सय २६ रोपनी जमिन उपयोग गर्न पाउने गरी प्राप्त गरेको छ भने नेपाल सरकारबाट थप दुई सय ४८ रोपनी जमिन लिन पहलकदमी भएको छ । अन्वेषण र आविष्कार केन्द्रमा हालसम्म मुलुकका आवश्यकतामा लक्षित प्रविधियुक्त आठवटा मेसिन तथा केही बहुकार्यात्मक औजारहरू उत्पादन भएको छ । विगतका शैक्षिक तथा प्राज्ञिक अभ्यास र गण्डकी विश्वविद्यालय शिक्षण अस्पताल स्थापना गर्ने विषयलाई निरन्तरता दिँदै तयार गरिएको एमबीबीएस कोर्सको जानकारी प्रदेश सरकारमा दिने र गुणस्तरीय शिक्षाको विकास एवम् प्रवद्र्धन गर्ने नीति विश्वविद्यालयले लिएको छ ।
क्याटेगोरी : प्रविधि / शिक्षा, बिबिध
ट्याग : #page 3
ताजा अपडेट
- नीति तथा कार्यक्रमको लागि बिज्ञ समुह संग छलफल गर्दै मन्त्री श्रेष्ठ
- नेवार र तामाङ भाषा बागमती प्रदेशभित्र सरकारी कामकाजमा
- नेकपा एकीकृत समाजवादी संसदीय दलको बैठक नयाँबानेश्वरमा
- संरक्षण अभावमा ओझेल पर्दै चुरे क्षेत्रका प्राकृतिक ताल
- जापानी विदेशमन्त्री योको कामिकावाको भ्रमण कोशेढुंगा बनोस्
- किन लाग्छ गभर्नरमाथि पुँजीबजार विरोधीको आरोप ?
- योजनाका लक्ष्य भेट्न धरातल बनाऔँ
- दि नेपाल डिस्टिलरिजले उखु खेती र कृषिको बृहत्तर विकासका लागि सहकार्य गर्ने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया