बाँके, असार ७
बाँकेका नदी र खोलाहरूबाट अवैध दोहन गरेर ढुङ्गा, गिटी चोरी पैठारी गर्ने गरेका तस्करीका नाइके मनोज केसी पक्राउ परेका छन् । बाँकेमा राप्ती नदीबाट वर्षौंदेखि ढुङ्गा, गिटी तस्करी गर्दै आइरहेका मनोजलाई बाँकेका प्रमुख जिल्ला अधिकारी रामबहादुर कुरुम्वाङको निर्देशनमा प्रहरीले पक्राउ गरेको हो । लामो समयदेखि टिप्पर, जेसीभी राखेर कानुनको उल्लंघन गर्दै राप्ती नदी दोहन गर्दै आइरहेका मनोजलाई प्रजिअ कुरुम्वाङको निर्देशनमा प्रहरीले पक्राउ गर्न सफल भएको जिल्ला प्रहरी कार्यालय बाँकेले जनाएको छ ।
प्रजिअ कुरुम्वाङले कानुनलाई अटेर गरी डनगिरी देखाएर नदी दोहन गरेकाले मनोजलाई पक्राउ गरिएको जानकारी दिए । अब नदीजन्य पदार्थ तस्करी गर्ने चालक र ओसारपसार गर्ने उपकरण मात्र होइन मालिकलाई नै पक्राउ गरेपछि मात्र नियन्त्रण हुने भएकाले तस्कर मनोजलाई पक्राउ गरिएको प्रजिअ कुरुम्वाङले बताए । पक्राउ परेका मनोजविरुद्ध जिल्ला प्रशासन कार्यालय बाँकेमा शुक्रबार नै मुद्दा दर्ता गरी कारबाही प्रक्रिया अगाडि बढाइएको छ ।
पक्राउ परेका मनोजलाई म्याद थप गरी अहिले थुनामा राखिएको छ । राप्ती नदीबाट ढुङ्गा, गिटी तस्करी गरिरहेका बेला केही दिनअघि चालकसहित टिप्पर र जेसीभीलाई सशस्त्र प्रहरीले पक्राउ गरेको थियो । चालक र साधन छुटाउन मनोजले मालिक हुँ भन्दै प्रहरीलाई बारम्बार दबाब दिइरहेपछि उनलाई पक्राउ गरि मुद्दा दर्ता गरिएको प्रजिअ कुरुम्वाङले जानकारी दिए ।
क्याटेगोरी : बिबिध
ताजा अपडेट
- साढे चार प्रतिशतको आर्थिक वृद्धिदर हासिल गर्छौं : अर्थमन्त्री पुन
- श्रमिकको सीपमा लगानी गर्नुपर्छ स् श्रममन्त्री अर्याल
- नेपाल वेस्ट इन्डिज ‘ए’सँग पराजित
- बौद्धिक जनशक्तिको पलायन रोक्न स्वदेशमा रोजगारी उपलब्ध गराइने
- ‘डढेलो नियन्त्रणको ज्ञान नहुँदा ज्यानै गयो’
- आगामी बजेटमा आमसञ्चारको धारणा समेट्दै सञ्चार मन्त्रालय
- श्रम मन्त्रालयद्वारा ‘श्रमदान’ अभियानको घोषणा
- श्रम क्षेत्रका विभेद हटाउन नीतिगत सुधार आवश्यक छ: अध्यक्ष नेपाल
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया