Techie IT
×
गृहपृष्ठबिबिधवाइवाइ ग्लोकल टिन हिरो नेपालको आठौँ संस्करणका लागि आवेदन खुल्ला

वाइवाइ ग्लोकल टिन हिरो नेपालको आठौँ संस्करणका लागि आवेदन खुल्ला


काठमाडौं । वाइवाइ ग्लोकल टिन हिरो नेपालको आठौँ संस्करणका लागि आवेदन खुल्ला गरिएको छ । वाइवाइ ग्लोकल टिन हिरो, किशोरकिशोरीहरुमा भएको प्रेरणा र उत्साहलाई प्रस्फुटन गरी उनीहरुले समाजमा गरेको प्रभावकारी कार्यलाई कदर र अरुमाझ चिनाउने कार्य गर्ने ग्लोकल प्रालिको एक कार्यक्रम हो । यस उपाधिको माध्यमबाट किशोरकिशोरीहरुमा उद्यमशील सोच विकास एवं रचनात्मक सुरुवातको लागि थप ऊर्जा प्रदान गरिनेछ ।

हालसम्म नेपालका सात किशोरकिशोरीहरुलाई ग्लोकल टिन हिरो नेपालका रुपमा सम्मानित गरिएको छ भने ग्लोकल टिन हिरो इन्डियाबाट तीन र श्रीलंकाबाट दुई जना सम्मानित भएका छन । साथै २० अण्डर २० छनोट गरेर हालसम्म १४० जनालाई सम्मानित गरिएको छ । ग्लोकलले ग्लोकल टिन हिरोलाई दक्षिण एसियली राष्ट्रबीच प्रचार गर्ने लक्ष्य लिएको छ । आगामी सेप्टेम्बर १, २०२२ मा शिक्षा, उद्यमशीलता, कूटनीति, एवं अन्य विविध क्षेत्रका व्यक्तित्वहरुको उपस्थितिमा वाइवाइ ग्लोकल टिन हिरोे नेपाल आयोजना गरिने भएको छ ।

यस वर्ष आवेदन खोल्ने पहिलो चरणदेखि ग्लोकल टिन हिरो नेपालको घोषणालगायतका सम्पूर्ण कार्य भौतिक रुपमा सञ्चालन हुने बताइएको छ । पहिलो चरणमा कुल आवेदनहरुलाई अन्तर्वार्ता र दस्तावेज समीक्षाको आधारमा ग्लोकल २०अन्डर२० को घोषणा गरिनेछ । त्यसपछि उनीहरुको कामको सुरुवात र प्रभावको आधारमा उत्कृष्ट ६ को छनोट हुने र अन्तिम चरणमा छ जनाको व्यक्तित्व मापदण्ड, डोमेन ज्ञान र दूरदर्शनको मापनको लागि अन्तर्वार्ता हुनेछ । त्यसपछि वाइवाइ ग्लोकल टिन हिरो नेपाल २०२२ को विजेता घोषणा गरिनेछ ।


क्याटेगोरी : बिबिध

तपाईको प्रतिक्रिया