स्न्यापच्याटले हटायो विवादित ‘स्पिड फिल्टर’
लन्डन ।
सामाजिक सञ्जाल कम्पनी स्न्यापच्याटले विवादित ‘स्पिड फिल्टर’ फिचर हटाएको छ । यो फिचरले प्रयोगकर्ताले तस्बिर या भिडियो लिँदा कति द्रुतगतिमा यात्रा गरिरहेको भन्ने देखाउँछ ।
यसको मातृकम्पनी स्न्यापले मुस्किलले प्रयोग भएको भन्दै उक्त फिचर हटाएको बताएको छ । तर कम्पनीविरुद्ध दुई किशोरका परिवारले मुद्दा हालेका छन् । उनीहरुले फिल्टरले आफ्ना छोराहरुलाई खतरनाक गतिमा गाडी चलाउन दुरुत्साहन गरेको र यसले तीनवटा मृत्यु नै भएको आरोप लगाएका छन् ।
स्न्यापले भने गाडी चलाएको बेला यो फिचर निष्क्रिय पारेको दाबी गरेको थियो । यसबाहेक प्रयोगकर्तालाई चेतावनी समेत दिएको र ३५ किमि प्रतिघण्टाको गतिसम्म मात्र सक्रिय बनाएको दाबी गर्दै आएको छ ।
कम्पनीका प्रतिनिधिले स्न्याप कम्युनिटीको सुरक्षा नै महत्वपूर्ण रहेको बताएको बीबीसीले जनाएको छ । केही हप्तामै उक्त फिचर स्न्यापच्याटबाट हट्ने ती प्रतिनिधिले बताएका छन् । स्न्यापच्याटका ५० करोड प्रयोगकर्ता रहेको बताइएको छ ।
सन् २०१७ मा अमेरिकी राज्य विस्कन्सिनमा कार रुखमा ठोक्किएर १७ वर्षीय दुई युवा र २० वर्षीय एक युवाको मृत्यु भएको थियो । सो बखत एउटा स्न्याप भएको तस्बिर खिचिँदा कारको गति १२३ माइल प्रतिघण्टा रहेको अदालतमा पेस भएको कागजातले देखाएको छ ।
स्न्यापले खतरनाक तीव्र गतिमा स्न्याप हुने कार्यलाई प्रोत्साहन गरेको आरोप लगाइँदा उसले फिचरको प्रतिरक्षा गरेको थियो । यसबाहेक सन् २०१५ मा घटेका दुई दुर्घटनाको कारण पनि यही फिचर रहेको अदालतमा बुझाइएको कागजातमा उल्लेख छ । फिलाडेल्फियामा घटेको दुर्घटनामा तीन जना युवती मारिएका थिए ।
क्याटेगोरी : विश्व बजार
ताजा अपडेट
- साढे चार प्रतिशतको आर्थिक वृद्धिदर हासिल गर्छौं : अर्थमन्त्री पुन
- श्रमिकको सीपमा लगानी गर्नुपर्छ स् श्रममन्त्री अर्याल
- नेपाल वेस्ट इन्डिज ‘ए’सँग पराजित
- बौद्धिक जनशक्तिको पलायन रोक्न स्वदेशमा रोजगारी उपलब्ध गराइने
- ‘डढेलो नियन्त्रणको ज्ञान नहुँदा ज्यानै गयो’
- आगामी बजेटमा आमसञ्चारको धारणा समेट्दै सञ्चार मन्त्रालय
- श्रम मन्त्रालयद्वारा ‘श्रमदान’ अभियानको घोषणा
- श्रम क्षेत्रका विभेद हटाउन नीतिगत सुधार आवश्यक छ: अध्यक्ष नेपाल
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया