रोकिएन लापिलाङ पहिरो : दशैँको मुखैमा फेरि तान्यो दुई घर
दोलखा । दशैँको मुखमा पहिरोले धमाधम घर तान्न थालेपछि दोलखाको कालिञ्चोक गाउँपालिका–५ लापिलाङका स्थानीय दुखी भएका छन् । सो गाउँमा गत साउनमा गएको भयानक पहिरोले अहिले पनि घर तानिरहेको छ ।
दशैँ आउन करिब दुई साता बाँकी छ । यतिबेला दशैँको तयारी जुट्नुपर्ने लापिलाङका स्थानीयलाई अहिले पहिरोबाट ज्यान जोगाउन नै मुस्किल छ । चाडपर्वको मुखमा पहिरोले घर तानिरहँदा सो गाउँका दर्जनौँ स्थानीय दुखी बनेका छन् । गत साउनमा गएको पहिरोले चर्काएर राखेको धर्मबहादुर खत्री, पुर्णबहादुर खड्का र रुकमला प्रोथेलको घरलाई शुक्रबार पुनः पहिरोले तानेको हो । दशैँको मुखमा पहिरोले घर बगाएको हेरेर बस्नुपरेको पुर्णबहादुर खड्काले दुखेसो गरे ।
सोही गाउँका अर्का स्थानीय रुकमाला प्रोथेलको पनि दुखेसो उस्तै छ । भूूकम्पपछि लाखौँ खर्चेर बनाएको घरमा पहिरोले लगेपछि उनलाई दशैँ आएको खासै वास्था छैन । उनी भन्छिन्, ‘न बस्ने बास रह्यो, नत गरिखाने जमिन ।’ पूरै बस्ती पहिरोको जोखिममा रहेको उनको भनाइ छ । त्यस्तै सोही गाउँका अर्का गणेश थामी अवस्था पनि उस्तै छ । ‘गत वर्षको पहिरोले घर लग्यो, यस वर्षको पहिरोले गरिखाने खेत पुरै बगायो’, उनले दुखेसो गरे । दातृ निकायले दिएको जस्ताको अस्थायी टहरा बनाएर रात काट्दै आएको उनले सुनाए ।
गत साल आएको पहिरोले गणेश थामीलगायतको नौवटा घर वगाएको थियो भने २२ घर पहिरोको उच्च खोखिममा परेका थिए । यस वर्ष सोही गाउँमा बस्तीमुनिबाट गएको पहिरोले दर्जनौँ घर तथा सयौँ रोपनी खेतीयोग्य जमिन तानिरहेको छ । पहिरोले सयौँ रोपनी खेतीयोग्य जमिन कटान गरी बस्तीमा नै आइपुगेको र हाल चार घर पहिरोले तानेको छ भने एक सय ५० घरलाई उच्च जोखिमका परेको सोही वडाका वडा अध्यक्ष सुबास थामीले बताए ।
अघिल्लो वर्षदेखि आएको पहिरोले वडाका ५ घर परिवारलाई सुकुमबासी बनाएको उनले बताए । त्यस्तै चार सय जनाको खेतीयोग्य जमिन बगाएको जानकारी दिए । पहिरोले विस्थापित भई सयौँ परिवार आफन्त तथा सामुदायिक विद्यालय र पालमा वस्न बाध्य भएको वडाअध्यक्ष थामीले जानकारी दिए । यस वर्ष देशकै दोस्रो ठूलो पहिरो भएकाले पीडित बस्तीमा पछिल्लो समयमा दर्जनौँ व्यक्ति तथा संघसंस्था पीडितलाई आपतकालीन समयको लागि खाद्यान्न, जस्ता तथा पाल लिएर लापिलाङ आउने गरेको वडा अध्यक्ष थामीको भनाइ छ ।
क्याटेगोरी : नेपाल
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया