१५ करोडको कारोबार गर्दै ‘विराट एक्स्पो’ सम्पन्न
विराटनगर । विराटनगरको डिग्री कलेज मैदानमा मंसिर २९ देखि भएको विराट एक्स्पो कृषि तथा औद्योगिक अन्तर्राष्ट्रिय प्रदर्शनी सम्पन्न भएको छ । एक्स्पोमा करिब १५ करोड रुपैयाँबराबरको कारोबार भएको आयोजकले जनाएको छ ।
११ दिनसम्म सञ्चालन भएको एक्स्पोमा तीन लाखभन्दा बढी दर्शकले अवलोकन गरेको प्रदर्शनी प्रचारप्रसार समितिका संयोजक नन्दकिशोर राठीले जानकारी दिए । जटिल एवं प्रतिकुुल अवस्थाका बावजुद आर्थिक एवं औद्योगिक विकास प्रवर्द्धन गरी आर्थिक गतिविधिलाई चलायमान बनाउने उद्देश्यले उद्योग संगठन मोरङले एक्स्पोको आयोजना गरेको थियो । उक्त एक्स्पोमा प्रदर्शक, प्रायोजक र दर्शकको उत्साहजनक सहभागिता भएको एक्स्पो आयोजक समितिले जनाएको छ ।
एक्स्पो समापन कार्यक्रममा प्रदेश १ का मुख्यमन्त्री राजेन्द्रकुमार राईले विराटनगरका उद्योगीहरूले बारम्बार औद्योगिक प्रदर्शनीस्थलको माग गरिरहे पनि प्रदेश सरकारले चाहँदा चाहँदै पनि औद्योगिक प्रदर्शनीस्थल निर्माण गर्न नसकेको बताए । उनले प्रदेश सरकार, विराटनगर महानगरपालिका र निजी क्षेत्रले सहकार्य गरेर औद्योगिक प्रदर्शनीस्थल निर्माण गर्नुुपर्नेमा जोड दिए । मुख्यमन्त्री राईले कृषिका कुरा मात्रै नगरी कृषिबाट उत्पादित कच्चा पदार्थलाई औद्योगिक उत्पादनमा बदल्नु आवश्यक रहेको समेत बताए ।
कार्यक्रममा उद्योग संगठन मोरङका अध्यक्ष सुयस प्याकुरेलले संगठनले २०५३ सालदेखि निरन्तररूपमा एक्स्पो आयोजना गर्दै आएको बताए । एक्स्पो आयोजनाका लागि स्थायी स्थलको अभाव खड्किरहेको उनको भनाइ थियो । विराटनगरमा स्थायी प्रदर्शनीस्थल निर्माणका लागि उद्योगी व्यवसायीले लामो समयदेखि सरकारका सबै निकायहरूमा अनुरोध गरिसक्दा समेत यसतर्फ कसैले चासो नदिएको उनको गुनासो थियो ।
क्याटेगोरी : समाचार
ताजा अपडेट
- एक अर्ब बराबरको वैदेशिक रोजगार बचतपत्र निष्काशन हुँदै
- सिधाकुरा डटकमसम्बन्धी मुद्दा ‘हेर्दाहर्दै’मा
- जनता समाजवादी पार्टी (जसपा )विभाजित !
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
- बागमती प्रदेशमा डेङ्गु सङ्क्रमितको सङ्ख्या बढ्दै
- खानीहरुको उत्खनन गरे मुलुकलाई अधिक लाभ हुन्छ: मन्त्री भण्डारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया