निर्देशन अटेर गर्ने तीनवटा ब्रोकर कम्पनी कारबाहीमा
बोर्डले तिरायो १० देखि ७५ हजार रुपैयाँसम्म नगद जरिवाना
काठमाडौं । निर्देशन अटेर गर्ने तीनवटा ब्रोकर कम्पनीहरुलाई नेपाल धितोपत्र बोर्डले कारबाहीस्वरुप १० देखि ७५ हजार रुपैयाँसम्म नगद जरिवाना तिराएको छ । बोर्डका सहायक प्रवक्ता तेज प्रसाद देवकोटाका अनुसार स्टक ब्रोकर नं. ४२ रहेको सनी सेक्युरिटिज कम्पनी लिमिटेड, स्टक ब्रोकर नं. २९ रहेको त्रिशुल सेक्युरिटिज एण्ड इन्भेष्टमेन्ट लिमिटेड र स्टक ब्रोकर नं. ४५ रहेको इम्पेरियल सेक्युरिटिज लिमिटेडलाई कारबाहीस्वरुप नगद जरिवाना तिराइएको हो ।
कारबाहीमा परेकामध्ये सनी सेक्युरिटिज कम्पनी लिमिटेडले धितोपत्रसम्बन्धी ऐन, २०६३ को दफा ८२ को उपदफा (१) बमोजिम तोकिएको समयभित्र वार्षिक प्रतिवेदन पेश नगरेको तथा तोकिएको समयभित्र म्याद थपका लागि निवेदन समेत पेश नगरेकोले धितोपत्रसम्बन्धी ऐन, २०६३ को दफा ८२ को उपदफा (२) बमोजिम कारबाही गरिएको हो । कारबाहीअन्तर्गत सनी सेक्युरिटिजलाई बोर्डले १० हजार रुपैयाँ जरिवाना तिराएको सहायक प्रवक्ता देवकोटाले जानकारी दिए ।
यसैगरी त्रिशुल सेक्युरिटिज एण्ड इन्भेष्टमेन्ट लिमिटेडले पनि (धितोपत्र दलाल तथा धितोपत्र व्यापारी) नियमावली, २०६४ को नियम ३५ को उपनियम (२) बमोजिम तोकिएको समयभित्र बोर्डमा आर्थिक वर्ष २०७९/०८० को पहिलो त्रैमासिक प्रतिवेदन समयमै पेश नगरेकोले धितोपत्रसम्बन्धी ऐन, २०६३ को दफा १०१ को उपदफा (४) बमोजिम समयमा विवरण पेश नगरेको आधारमा उक्त कम्पनीलाई ७५ हजार रुपैयाँ नगद जरिवाना तिराइएको सहायक प्रवक्ता देवकोटाको भनाइ छ । कारबाहीमा परेको इम्पेरियल सेक्युरिटिज कम्पनी प्रालिले पनि धितोपत्र व्यवसायी (धितोपत्र दलाल तथा धितोपत्र व्यापारी) नियमावली, २०६४ को नियम ३५ को उपनियम (२) बमोजिम तोकिएको समयभित्र बोर्डमा आर्थिक वर्ष २०७९/०८० को पहिलो त्रैमासिक प्रतिवेदन समयमै पेश नगरेकोले धितोपत्रसम्बन्धी ऐन, २०६३ को दफा १०१ को उपदफा (४) बमोजिम समयमा विवरण पेश गरेको छैन । सोही आधारमा उक्त कम्पनीलाई कारबाहीस्वरुप ७५ हजार रुपैयाँ नगद जरिवाना तिराइएको प्रवक्ता देवकोटाले जानकारी दिए ।
कारबाहीमा परेका कम्पनीहरुमध्ये सनी सेक्युरिटिजको केन्द्रीय कार्यालय नक्सालमा छ भने उक्त कम्पनीका कार्यकारी अध्यक्ष सन्तोष पौडेल छन् । यसैगरी इम्पेरियल सेक्युरिटिजको केन्द्रीय कार्यालय अनामनगरमा रहेको छ भने उक्त कम्पनीका कार्यकारी अध्यक्ष भक्तिराम घिमिरे रहेका छन् । कारबाहीमा परेको त्रिशुल सेक्युरिटिज कम्पनीको केन्द्रीय कार्यालय भने पुतलीसडकमा रहेको छ ।
क्याटेगोरी : समाचार
ताजा अपडेट
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
- बागमती प्रदेशमा डेङ्गु सङ्क्रमितको सङ्ख्या बढ्दै
- खानीहरुको उत्खनन गरे मुलुकलाई अधिक लाभ हुन्छ: मन्त्री भण्डारी
- १९ सय ७४ बिन्दुमा खुम्चियो सेयर बजार
- प्लाइ कार्पेट कारखानामा आगलागी हुँदा दुई घाइते
- वसन्तपुर क्षेत्रको अवलोकन गर्दै जापानी विदेशमन्त्री खामिखावा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया