सोलुखुम्बुमा शव वाहन नहुँदा नागरिकलाई सास्ती
सोलुखुम्बु । जिल्लामा शव वाहन गाडी नहुँदा समस्या भएको छ । आठ स्थानीय तह रहेको सोलुखुम्बुमा एउटा पनि शव बोक्ने सवारीसाधन छैन । शव वाहन नहुँदा नागरिकले सास्ती खेप्दै आउनुपरेको छ ।
शव वाहन नहुँदा विशेषगरी गाउँबाट जिल्लासम्म पोस्टमार्टम गर्न ल्याउनुपर्ने र पोस्टमार्टमपछि संस्कारअनुसार आर्यघाटमा लैजानुपर्ने शवहरूका लागि निकै समस्या हुनेगरेको सोलुखुम्बु केरुङकी डोमा तामाङले बताइन् । शव बोक्नकै लागि यहाँका नागरिक चर्को भाडा तिर्न बाध्य छन् तर सुविधा न्यून छ, भनेको समयमा निजी गाडी पाइँदैन । पोस्टमार्टम अनिवार्य भएका घटनामा शव ढुवानी नै पीडितका लागि ठूलो समस्याको रुपमा देखा पर्नेगरेको छ । जिल्लाभरका पालिका मिलेर शव वहान खरिद गर्न सकिए उत्तम हुने माप्यदुधकोशी गाउँपालिका उपाध्यक्ष गौरव राईले बताए ।
‘हाम्रो पालिकामा पनि यो मेजर समस्याको रुपमा नै देखिएको छ, शव वाहनका लागि नागरिकहरूलाई धेरै सास्ती छ, यसमा सबै पालिका मिलेर एउटा शव वाहन खरिद गर्ने कुरामा हामी सहमत छौँ, त्यो गर्न सकियो भने राम्रो हुन्थ्यो’, उनले भने । जिल्लाको ग्रामीण क्षेत्रमा मृत्यु भएर पोस्टमार्टम गर्नुपर्ने प्रकृतिको शवहरू जिल्ला अस्पतालमा नै ल्याउनुपर्ने बाध्यता छ । जिल्लाबाहिर उपचारका लागि लगिएका आफन्तहरूको मृत्यु हुँदा समेत निजी सवारीसाधनले समेत शव बोक्न नमान्दा नागरिकलाई सास्ती हुनेगरेको छ । शव वहान व्यवस्थापनका लागि संघ र प्रदेश सरकारसँग समन्वय गरेर अघि बढ्ने सोलुखुम्बुका संघीय सांसद मानवीर राईको भनाइ छ । शव वाहन नहुँदा स्थानीयवासीले शवलाई डोको, बोरा र सडक पुगेको ठाउँमा ट्याक्टरमा शव बोक्ने गरेका छन् ।
जिल्लामा एउटा दमकल र आधा दर्जनभन्दा बढी एम्बुलेन्स सञ्चालनमा रहे पनि अहिलेसम्म कुनै संस्थाले शव वाहन खरिद गर्न सकेका छैनन् । जनप्रतिनिधिले आफ्नो सेवासुविधाका लागि लाखौँ खर्चेर गाडी खरिद गरे पनि नागरिकका लागि चाहिने शव वाहन खरिद गर्नमा भने कसैको ध्यान जान सकेको छैन ।
क्याटेगोरी : प्रदेश समाचार, कोशी प्रदेश
ट्याग : #Page 12
ताजा अपडेट
- फाइनल प्रवेशका लागि रियल र बार्यन भिड्दै
- बुढ्यौलीमा चोटसँग जुधेर खेलिरहेका धोनी
- प्रमुख प्रतिपक्षीले उठाएका विषयवस्तुप्रति सरकारले बेवास्ता गरिरहेको छ – प्रमुख सचेतक लेखक
- सहकारीमा दोस्रो तहको नियामक अतिआवश्यक :पूर्वअर्थमन्त्री खतिवडा
- मेची भन्सारद्वारा ११ अर्ब ३२ करोडभन्दा बढी राजश्व संकलन
- यी हुन आज शेयर बजारबाट सबैभन्दा धेरै कमाउने दश कम्पनी
- औद्योगिक विकासतर्फ अग्रसर हुन घरेलु उद्यमशीलतालाई बढावा दिन जरुरी छ: राष्ट्रपति पौडेल
- सिन्धुली चियाबारी–खुर्कोट सुरुङ मार्ग निर्माण थालनी गर्न प्रधानमन्त्रीसँग माग
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया