विराटनगर । सुपारीको बिक्रीबाट आफूुले पाउनुपर्ने ८० करोड रूपैयाँ विराटनगरका व्यापारी प्रदीप मुरारका र दिनेश राठीले नदिएको भन्दै झापाको विर्तामोडका व्यापारी प्रदीप मित्तलले मोरङ व्यापार संघ र उद्योग संगठनमा उजुरी दिएपछि नयाँ रहस्यहरु खुल्दै गएका छन् । सुपारी कारोबार प्रकरणमा सौर्य एयर पनि मुछिएको छ ।
सौर्य एयरलायन्सका सञ्चालकहरु दिपक पोखरेल, दिनेश राठी र सञ्जय अग्रवालहरु एयरलायन्स कम्पनी पटक–पटक घाटामा गएपछि सेटिङमा सुपारी आयात गर्न थालेका थिए । उनीहरुले एयरलायन्सको घाटा सुपारी कारोबारमार्फत पूर्ति गरेको स्रोतको दाबी छ ।
सौर्यका मुख्य सञ्चालक दिपक पोखरेलले तत्कालीन प्रधानमन्त्री केपी शर्मा ओलीसँग सेटिङ मिलाएर झापाका सुपारी कारोबारी प्रदीप मित्तल, गोविन्द सरिया र विराटनगरका प्रदीप मुरारकालाई पार्टनर बनाएर इण्डोनेसियाबाट २५ हजार टन सुपारी आयात गरेका थिए । सोही सुपारी उनीहरूले नेपालमा उत्पादन भएको भन्दै भारत निकासी गरी पाँच अर्ब ४६ करोड कमाएको सुपारी कारोबारी प्रदिप मित्तलको दाबी छ । सोही सुपारीको बिक्रीबाट कारोबारी आफूले पाउनुपर्ने ८० करोड रकम प्रदीप मुरारका र दिनेश राठी मिलेर खाएको र हिसाब माग्दा नदिएपछि बाध्य भएर मोरङ व्यापार संघमा लिखित उजुरी दिएको उनले बताए ।
सुपारीको आयात गर्दा तत्कालीन प्रधानमन्त्री केपी शर्मा ओलीसँगै डिल गरेर ४५ करोडभन्दा बढी नै रकम कबोल गरेको दाबी पनि स्रोतको छ । सोही सुपारी कारोबारको हिस्सा कारोबारी मित्तलले आफ्ना साझेदारी मुरारका र राठीसँग माग गरेपछि सुपारीभित्रको आन्तरिक रहस्य बाहिरिन सुरु भएको हो । मुरारका र राठीले मित्तलको २० प्रतिशतको हिस्सा बाँडेर लिएको विराटनगरका व्यापारी स्रोतले बताएको छ । सोही सुुपारी आयात भइसकेपछि भारत निर्यात गर्ने क्रममा केपी ओलीको सरकार हटेर शेरबहादुर देउवा नेतृत्वको सरकार गठन भएका कारणले करिब एक महिनासम्म राजस्व अनुुसन्धान कार्यालय सुनसरीले सुपारी रोकेर राखेको थियो । तर सो सुुपारीलाई आरजु देउवासँग कुरा मिलेपछि मात्रै राजस्व कार्यालय सुनसरीले निकासी दिइएको दाबी पनि स्रोतले गरेको छ ।
यसरी सरकारी राजस्वमा घोटाला गरेको घट्ना सार्वजनिक हुुँदासम्म पनि सुपारी बिक्रीको हिसाबको उजुरी अदालत वा सम्बन्धित सरकारी निकायमा जान किन सकिरहेको छैन भन्ने चर्चा यतिबेला स्थानीय व्यापारीहरुबीच भइरहेको छ । प्रतिकिलो एक सय रूपैयाँ भन्सार, एक सय रूपैयाँ अन्तःशुल्क र १३ प्रतिशत मूल्य अभिवृद्धि करबापतको राजस्व तिरेर पनि सुपारीमा प्रतिकिलो दुई सयसम्म नाफा हुने भएकाले सुपारी आयात गर्ने कारोबारीले सरकारसँग सेटिङ गरी जति रकम तिरेर भए पनि सुपारीको आयात गर्ने दाउमा लागि रहने स्रोतको दाबी छ । अहिले फेरि प्रचण्ड नेतृृत्वको सरकारसँग पनि सोही सुपारीका कारोबारीले नै नयाँ समूह बनाएर पोस्तादाना र सुपारी आयात गर्ने खेलमा लागेका छन् । नयाँ समूहमा प्रदीप मुरारकालाई भने नराखिएको स्रोतको दाबी छ ।
क्याटेगोरी : समाचार
ट्याग : #Page 8
ताजा अपडेट
- एक अर्ब बराबरको वैदेशिक रोजगार बचतपत्र निष्काशन हुँदै
- सिधाकुरा डटकमसम्बन्धी मुद्दा ‘हेर्दाहर्दै’मा
- जनता समाजवादी पार्टी (जसपा )विभाजित !
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
- बागमती प्रदेशमा डेङ्गु सङ्क्रमितको सङ्ख्या बढ्दै
- खानीहरुको उत्खनन गरे मुलुकलाई अधिक लाभ हुन्छ: मन्त्री भण्डारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया