काठमाडौं,जिल्लाको बैतेश्वर गाउँपालिका वडा नम्बर–६ बुस्तीमा रहेको लालीगुराँस सामुदायिक अस्पताललाई ५५ लाख रुपैयाँ बराबरको एम्बुलेन्स हस्तान्तरण गरिएको छ ।
द–रोटरी फाउन्डेसनमा आबद्ध तीनवटा देशहरू अमेरिका, युके र नेपालको आर्थिक सहयोगमा उपलब्ध भएको एम्बुलेन्स शनिबार बागमती प्रदेशसभा सदस्य कुन्दनराज काफ्लेले अस्पताललाई हस्तान्तरण गरेका हुन् । अस्पताललाई एम्बुलेन्स हस्तान्तरण गर्दै उनले अस्पतालको भौतिक संरचना निर्माण गर्न पहल गर्ने प्रतिबद्धता जाहेर गरे । अस्पतालमा देखिएका समस्या समाधान गर्न आफ्नो क्षेत्रबाट पहल तथा सहयोग गर्ने उनको भनाइ थियो । २०७७ सालमा स्थापना गरिएको यस अस्पतालमा एम्बुलेन्स आवश्यक रहेकोे गुनासो बढेपछि रोटरी क्लब पाटनको पहलमा रोटरी फाउन्डेसनले अस्पताललाई एउटा एम्बुलेन्ससहित ५५ लाख बराबरको उपकरण सहयोग गरेको अस्पतालका कार्यकारी निर्देशक डाक्टर सुरेन्द्र तामाङले जानकारी दिए ।
युकेका सहयोगी दाता द–डोब्रानको सहयोगमा सञ्चालन गरिएको उक्त अस्पतालमा स्थापनाको दुई वर्षमै करिब ११ हजार दुई सय बिरामीको उपचार भइसकेको डाक्टर तामाङले बताए । अस्थायी भवनबाटै सञ्चालनमा रहेको १५ शैयाको अस्पताललाई भौतिक संरचनादेखि जनशक्ति समेत अभाव रहेको उनले जानकारी दिए ।
पर्याप्त उपकरण र जनशक्ति मिले जिल्लाभरका बिरामीको सहज रूपमा उपचार गर्न सकिने अस्पतालले जनाएको छ । कार्यक्रममा बैतेश्वर गाउँपालिकाकी उपाध्यक्ष कल्पना उप्रेती, रोटरी क्लब अफ पाटनका अध्यक्ष शिवकुमार प्रधान, बैतेश्वर गाउँपालिका–३ वडाध्यक्ष कमल अधिकारी, ६ नं वडाका वडाध्यक्ष अशोक तामाङलगायतले अस्पतालको व्यवस्थापनमा सहयोग गर्ने प्रतिबद्धता जनाएका थिए ।
अस्पतालको तथ्यांकअनुसार बैतेश्वर गाउँपालिकामा धेरैजसो हाडजोर्नीका बिरामी भेटिएकोले केही दिनमा फिजियोथेरापी उपकरण राखेर बिरामीको उपचार गर्ने जनाइएको छ । यस अस्पतालमा बैतेश्वर, जिरी, तामाकोसी र मेलुङ गाउँपालिकाबाट बिरामीहरु उपचार गर्न आउने गरेका छन् ।
क्याटेगोरी : समाचार
ताजा अपडेट
- एक अर्ब बराबरको वैदेशिक रोजगार बचतपत्र निष्काशन हुँदै
- सिधाकुरा डटकमसम्बन्धी मुद्दा ‘हेर्दाहर्दै’मा
- जनता समाजवादी पार्टी (जसपा )विभाजित !
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
- बागमती प्रदेशमा डेङ्गु सङ्क्रमितको सङ्ख्या बढ्दै
- खानीहरुको उत्खनन गरे मुलुकलाई अधिक लाभ हुन्छ: मन्त्री भण्डारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया