काठमाडौं,नेपाल नेत्रज्योति संघले सुनसरीका दुई हजार दुई सय जनाको निःशुल्क आँखा परीक्षण गरेको छ । संघले विराटनगर आँखा अस्पताल र देवानगञ्ज गाउँपालिका सुनसरीको संयुक्त आयोजनामा देवानगञ्ज गाउँपालिकामा दुईदिने निःशुल्क आँखा जाँच तथा शल्यक्रिया शिविर राखी आँखा परीक्षण गरेको हो ।
संघले पूर्वाञ्चल आँखा उपचार कार्यक्रमअन्तर्गत नुरदुबई फाउन्डेसनको आर्थिक सहयोगमा शिविर राखेको थियो । शिविरमा दुई हजार एक सय ९९ जनाको आँखा परीक्षण गर्दा दुई सय ४२ जनामा मोतियाविन्दुको समस्या देखिएको थियो ।
उनीहरूमध्ये एक सय ५४ जना बिरामीको मोतियाविन्दुको निःशुल्क शल्यक्रियासमेत गरिसकिएको संघले जनाएको छ । बाँकी बिरामीहरूको पनि निःशुल्क शल्यक्रिया गरिने अस्पतालकी मेडिकल सुपरिटेन्डेन्ट डा.रक्षा पन्तले जानकारी दिइन् । गत जेठ १ र २ गते आयोजना गरिएको उक्त शिविरमा दृष्टिदोष भएका नौ सय १९ जना बिरामीहरूलाई निःशुल्क चस्मासमेत वितरण गरिएको थियो ।
शिविरमा मोतियाविन्दु देखिएका बिरामीहरूलाई विराटनगर आँखा अस्पतालमा ल्याई निःशुल्क शल्यक्रिया गरिएको थियो । विराटनगर आँखा अस्पतालका नेत्ररोग विशेषज्ञ डा.सुमित मिश्र र डा.प्रीति अग्रवालको नेतृत्वको टोलीले शिविरमा सेवा प्रवाह गरेको थियो ।
क्याटेगोरी : स्वास्थ्य / जिवनशैली
ताजा अपडेट
- रामगीता वाङ्मय मन्दिर अमेरिका–नेपालद्धारा तीन स्रष्टालाई एकसाथ पुरस्कृत
- ज्ञानेश्वरको ६ रोपनी सरकारी जग्गा बानिता अग्रवालले कसरी गरिन् कब्जा ?
- आज विश्व प्रेस स्वतन्त्रता दिवस
- देशमा पश्चिमी र स्थानीय वायुको प्रभाव कायमै
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया