दोलखा । जिल्लाको शैलुङ गाउँपालिकामा उत्पादित रेड किबी फल दशैँअगावै काठमाडौंका बजारमा पु-याउन थालिएको छ । शैलुङ गाउँपालिका–४ का किबी उत्पादक कृषकहरूले पहिलो चरणमा किबी फल काठमाडौंको बजारमा पठाउने तयारीमा जुटेका हुन् ।
किबीको व्यावसायिक खेती गर्दै आएका यहाँका नवीन कार्कीले चाडपर्वको समयमा किबीको स्वाद काठमाडौंका उपभोक्तालाई चखाउनका लागि राजधानी लैजाने तयारी गरिरहेको जानकारी दिए । उनले दशैँअघि दोलखाको शैलुङ उत्पादित पाँच सय केजी रेड किबी लैजाने बताए । किबी उत्पादनको हिसाबले अब्बल मानिने शैलुङ गाउँपालिकामा रेड जातको किबीको पनि उत्पादन हुन थालेको छ । लगाएको छोटो समयमै उत्पादन दिने रेड किबीको माग पछिल्लो समय बढ्दै गएको किसानहरूले बताएका छन् । यहाँका किसानहरूले अन्य जातको किबीजस्तै गरी पछिल्ला वर्षहरूमा रेड जातको किबीको पनि व्यावसायिक खेती गरेका छन् । शैलुङको रेड किवीले जिल्लाका स्थानीय बजार भरिएका छन् । जिल्लासँगै काठमाडौंका फलफूल बजारमा समेत यसको माग वृद्धि भएकाले दशैँअगावै किबी काठमाडौंमा लैजान सुरु गरेको किसानहरूको भनाइ छ ।
यहाँका कृषक नवीन कार्कीले पछिल्लो तीन वर्षदेखि व्यावसायिकरूपमा ५० रोपनी क्षेत्रफलमा किबीखेती गर्दै आएका छन् । अहिले उनको किबी फार्ममा छ सय बोट रेड किबी छ । गत वर्ष दुई सय केजी रेड किबी बिक्री गरेका कार्कीले यसवर्ष भने पाँच सय केजी रेड किबी उत्पादन गरेको बताए । जिल्लामा प्रतिकेजी तीन सय ५० रूपैयाँमा बिक्री हुने किबी काठमाडौंमा भने प्रतिकेजी चार सय रूपैयाँमा बिक्री हुने उनको भनाइ छ । करिब ३० लाख लगानीमा सुरु गरेको किबी खेतीबाट भर्खरै आम्दानी लिन सुरु गरेको उनले बताए ।
शैलुङमा उत्पादन हुने विभिन्न छ जातको किबी अब अफसिजनमा पनि पाइने उनले बताए । कार्कीले अफसिजनमा पनि किबी स्टोर गरेर राख्न कोलस्टोर निर्माण गरेका छन् । माघ महिनापछिको अफसिजनको समयमा पनि शैलुङ उत्पादित रेड, हे–वार्ड, मोन्टी, बु्रनोलगायत जातको किबी शैलुङमा पाइने उनले बताए ।
क्याटेगोरी : सहकारी–कृषि
ताजा अपडेट
- फाइनल प्रवेशका लागि रियल र बार्यन भिड्दै
- बुढ्यौलीमा चोटसँग जुधेर खेलिरहेका धोनी
- प्रमुख प्रतिपक्षीले उठाएका विषयवस्तुप्रति सरकारले बेवास्ता गरिरहेको छ – प्रमुख सचेतक लेखक
- सहकारीमा दोस्रो तहको नियामक अतिआवश्यक :पूर्वअर्थमन्त्री खतिवडा
- मेची भन्सारद्वारा ११ अर्ब ३२ करोडभन्दा बढी राजश्व संकलन
- यी हुन आज शेयर बजारबाट सबैभन्दा धेरै कमाउने दश कम्पनी
- औद्योगिक विकासतर्फ अग्रसर हुन घरेलु उद्यमशीलतालाई बढावा दिन जरुरी छ: राष्ट्रपति पौडेल
- सिन्धुली चियाबारी–खुर्कोट सुरुङ मार्ग निर्माण थालनी गर्न प्रधानमन्त्रीसँग माग
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया