जनजागरण साकोसको कुल पुँजी १६ करोड ७१ लाख
दोलखा । जिल्लाको बैतेश्वर गाउँपालिका वडा नम्बर–३ मिर्गेमा रहेको जनजागरण बचत तथा ऋण सहकारी संस्थाको कुल पुँजी १६ करोड ७१ लाख रूपैयाँ पुगेको छ । संस्थाको सोमबार सम्पन्न २४औँ वार्षिक साधारणसभामा आर्थिक वर्ष २०७८÷०८९ को असार मसान्तसम्म सहकारीको कुल पुँजी १६ करोड ७१ लाख ९५ हजार आठ सय एक रूपैयाँ रहेको कोषाध्यक्ष पुष्कर कुमार दाहालले जानकारी दिए ।
त्यस्तै संस्थाको सेयर पुँजी एक करोड ५३ लाख ५२ हजार छ सय पुगेको छ । दुई हजार नौ सय ९३ जना सेयर सदस्य र एक हजार चार सय दुई जना बाल सदस्य आबद्ध रहेको यस संस्थाको नाफा भने ११ लाख रूपैयाँ रहेको छ । साकोसका अध्यक्ष पवन प्रसाद दाहालको अध्यक्षयता तथा बैतेश्वर गाउँपालिकाका अध्यक्ष छबि लामाको प्रमुख आतिथ्यतामा सम्पन्न साधारणसभामा संस्थाको सञ्चालक समितिको प्रतिवेदन सचीव रमेश प्रसाद दाहालले प्रस्तुत गरेका थिए । यस्तै संस्थाको लेखा सुपरीवेक्षण समितिको प्रतिवेदन लेखा संयोजक सोम प्रसाद घिमिरेले प्रस्तुत गरेका थिए । संस्थाले साधारणसभाको अवसरमा पूर्वसञ्चालक, उत्कृष्ट सेयर खरिदकर्ता, दैनिक बचतकर्ता, असल ऋणी, उत्कृष्ट विद्यार्थी छात्रवृत्ति वितरण, एसईई उत्कृष्ट विद्यार्थी नगदसहित प्रमाणपत्रले सम्मान गरेको थियोे ।
बैतेश्वर गाउँपालिकालाई मुख्य कार्यक्षेत्र बनाएर ऋण तथा बचतको कारोबार गरिरहेको सहकारीले सुत्केरी भेटघाट, प्राकृतिक प्रकोपमा सेयर सदस्यलाई आर्थिक सहयोगलगायतका कार्य गर्दै आएको संस्थाका अध्यक्ष पवन प्रसाद दाहालले जानकारी दिए । कार्यक्रममा दोलखा बचत संघका अध्यक्ष भुमिराज खड्काले पछिल्लो समय व्यक्तिवादी स्वार्थमा ऋण लगानी गर्दा सहकारीको लगानी जोखिममा परेको बताए । कार्यक्रम बैतेश्वर गाउँपालिका–३ मिर्गेका वडा अध्यक्ष कमल अधिकारी, जिल्ला बचत संघ दोलखा कोषाध्क्षय तेन्जिङ शेर्पालगायतको उपस्थिति रहेको थियो । यस्तै सहकारीको आगामी कार्यकालको लागि आगामी कात्तिक १३ गते निर्वाचन हुने भएको छ ।
क्याटेगोरी : सहकारी–कृषि
ताजा अपडेट
- फाइनल प्रवेशका लागि रियल र बार्यन भिड्दै
- बुढ्यौलीमा चोटसँग जुधेर खेलिरहेका धोनी
- प्रमुख प्रतिपक्षीले उठाएका विषयवस्तुप्रति सरकारले बेवास्ता गरिरहेको छ – प्रमुख सचेतक लेखक
- सहकारीमा दोस्रो तहको नियामक अतिआवश्यक :पूर्वअर्थमन्त्री खतिवडा
- मेची भन्सारद्वारा ११ अर्ब ३२ करोडभन्दा बढी राजश्व संकलन
- यी हुन आज शेयर बजारबाट सबैभन्दा धेरै कमाउने दश कम्पनी
- औद्योगिक विकासतर्फ अग्रसर हुन घरेलु उद्यमशीलतालाई बढावा दिन जरुरी छ: राष्ट्रपति पौडेल
- सिन्धुली चियाबारी–खुर्कोट सुरुङ मार्ग निर्माण थालनी गर्न प्रधानमन्त्रीसँग माग
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया