फोटोनको टीएम वान विद्युतीय ट्रकको परीक्षण

काठमाडौं । फोटोनको टीएम वान विद्युतीय ट्रकको परीक्षण गरिएको छ । गाडीमा पूरा क्षमताको सामान राखेर स्वयम्भुको ह्वाइट गुम्बा र सोह्रखुट्टेको उकालोमा परीक्षण गरिएको सम्बन्धित कम्पनीले जनाएको छ । परीक्षणमा ट्रक शक्तिशाली रहेको प्रमाणित भएको कम्पनीले जनाएको छ ।

फोटोनको नेपालका लागि आधिकारिक एमएडब्लू वृद्धि कमर्सियल भेहिकल प्रालिले हालै उक्त परीक्षण गरेको हो । फोटोन टीएम वान विद्युतीय ट्रकले १४ सय किलो लोड बोक्ने क्षमता राख्ने कम्पनीले जनाएको छ । एक पटकको फुल चार्जमा दुई सय ८० किलोमिटर रेन्ज दिने टीएम वान सहरी क्षेत्र तथा मध्यम दूरीमा सामान ओसारपसारका लागि उपयुक्त ठहरिएको कम्पनीले जनाएको छ । कम्पनीले सो टीएम वान विद्युतीय ट्रकलाई नाडा अटो सोमा विशेष अफरका साथ प्रदर्शन गर्ने समेत जनाएको छ ।