काठमाडौं । छोटो दूरीका लागि उपयोगी अत्याधुनिक प्रविधियुक्त सवारीसाधन निर्माणका लागि विश्वप्रसिद्ध कम्पनी सेगवे–नाइनबटले नेपालमा आफ्नो आकर्षक र नयाँ शैलीको इलेक्ट्रिक स्कुटर ई–१२५ सार्वजनिक गरेको छ । सेगवे विश्वव्यापी रूपमा लोकप्रिय र उच्च बिक्री हुने ई–स्कुटर ब्रान्ड हो ।
नेपालमा सेगवे ई–१२५ को बिक्री चैत १९ देखि वारेन्टीसहित सुरु भइसकेको कम्पनीले जनाएको छ । नेपालमा नाइनबटका लागि आधिकारिक बिक्रेता आईहब प्रालिले भविष्यमा सेगवेका अरु लोकप्रिय मोडलहरू पनि सार्वजनिक गर्ने बताएको छ । कम्पनीका अनुसार इलेक्ट्रिक स्कुटर ई–१२५ संयुक्त राज्य अमेरिकाको मोबिलिटी इनोभेसन कम्पनी सेगवेको नवप्रवर्तनशील स्कुटर हो । २०२० रेड डट डिजाइन अवार्ड विजेता यो इलेक्ट्रिक स्कुटर सेगवे नाइनबटद्वारा बनाइएको ई श्रृङ्खलाअन्तर्गतको पहिलो स्कुटर हो । यो इलेक्ट्रिक स्कुटरमा टाढैबाट लक गर्न सकिने, ट्र्याक गर्न सकिने र स्कुटर हराउँदा अलार्म ट्रिगर गर्न सकिनेजस्ता नयाँ अविष्कार र सेन्सरहरूले सुसज्जित छ । प्रगतिशील एन्टी थेप्ट सिस्टम स्कुटरको पूर्ण शरीरमा राखिएको कम्पनीको भनाइ छ ।
प्रतिघण्टा ७५ किमिसम्म कुद्ने सेगवे ई–१२५ मा अधिकतम दुई हजार चार सय वाट वोस्च इलेक्ट्रिक मोटर रहेको छ । यसले २०० एनएमको अधिकतम टर्क उपलब्ध गराउँछ । ड्राइभिङ दायराका लागि ७४ भी र २७ एच लिथियम ब्याट्री भएको यो स्कुटरको औसत चार्ज समय पाँच–छ घण्टा रहेको छ, जसमा स्कुटरको लागि डबल ब्याट्री स्पेस पनि छ । कम्पनीका अनुसार स्कुटरसँगै सिङ्गल ब्याट्री पनि आउँछ । ग्राहकले चाहेमा अर्को ब्याट्री थपेर माइलेज बढाउन सक्नेछन् ।
वोस्चको १०औँ पुस्ताको डुअल च्यानल एबीएस ब्रेकले सुसज्जित यो स्कुटरले विशिष्ट ब्रेकिङको सुविधा प्रदान गर्दछ । सुन्दर देखिने डिजिटल ड्यासबोर्डले प्रयोगकर्तालाई उच्च सुविधाहरू प्रदान गर्दछ । आईपीएक्स पाँच वाटरप्रुफ सेगवे ई–१२५ पानीमा पनि सजिलै चलाउन सकिन्छ । साथै, जहाँ अधिकांश पेट्रोलबाट चल्ने स्कुटरहरू कुदाउन सकिँदैन, त्यहाँ सेग्वे ई–१२५ सजिलै चलाउन सकिन्छ । सेगवे ई–१२५ दुई भिन्न आकर्षक रङ्गहरूमा सेतो र ग्रे उपलब्ध छ । यो स्कुटरको नेपाली मूल्य तीन लाख ९१ हजार रूपैयाँ तोकिएको कम्पनीले जनाएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- मुख्यमन्त्री यादवले जेठ २३ गते विश्वासको मत लिने
- मन्त्री भण्डारीद्वारा उद्योग परिसरको छड्के अनुगमन
- वनको घनत्वसम्बन्धी ११ सूचकमध्ये छको प्रगति न्यून, चारको शून्य
- यार्सागुम्बा सिजन सुरु भएसँगै तातोपानी नाका सुनसान
- केहीबेरको वर्षाले बागमती प्रदेशसभा सचिवालय जलमग्न
- अत्यधिक गर्मीका कारण विद्यालय बन्द
- झण्डै चार अंकले उक्लियो सेयर बजार
- अध्यक्ष नेपालद्वारा चीन भ्रमण रद्द
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया