भारतको ओमेगा सेइकीले बंगलादेशमा विद्युतीय सवारीसाधन उत्पादन गर्ने
ढाका ।
भारतीय अटोमोटिभ तथा रेलका पार्टपुर्जा उत्पादन गर्ने कम्पनी ओमेगा सेइकीले बंगलादेशमा विद्युतीय सवारीसाधन उत्पादन गर्ने भएको छ । बंगलादेशी मिडियाहरुका अनुसार कम्पनीले ढाकानजिकै विद्युतीय सवारीसाधनको कारखाना स्थापना गर्न एक अर्ब भारु लगानी गर्ने भएको हो । यसको सञ्चालन भने ओएसएम–बंगलादेशले गर्नेछ । यो कम्पनी आंग्लियन ओमेगा ग्रुपको सब्सिडरी (सहायक) कम्पनी हो । ओमेगा सेइकीले अहिले भारतमा उत्पादन प्लान्ट सञ्चालन गरिरहेको छ । भारतका आईएमटी फरिदाबाद र आईएमटी मानेसर हरियाणामा कम्पनीको प्लान्ट छ ।
ओमेगा सेइकी मोबिलिटीका प्रमुख उदय नारांगले छिमेकी देशमा कम्पनीका सवारीसाधनले राम्रो प्रतिक्रिया पाउने बताए । बंगलादेशमा उत्पादित सवारीसाधन ओएसएम ब्रान्डमा रहेर स्थानीय साझेदार र फ्रेन्चाइजमा बिक्रीवितरण हुने बताइएको छ । कम्पनीकै प्रबन्धनिर्देशक देव मुखर्जीले विश्व अटो क्षेत्रमा द्रुतगतिमा भइरहेको विद्युतीयकरणसँगै बंगलादेशमा पनि यो लहर सुरु हुनुपर्ने बताए । ट्राफिक समस्या र प्रदूषण रोक्न पनि दुईपांग्रे र तीनपांग्रे सवारीसाधनको विद्युतीय रुपान्तरण आवश्यक रहेको उनको भनाइ छ । कम्पनीले उत्पादन गर्ने सवारीसाधनमा लि–आयोन ब्याट्री प्रयोग हुनेछ ।
यसको प्रविधि भने भारतबाट ल्याइनेछ । पछि यसको पूरै स्थानीयकरण हुने र बंगलादेशबाट अन्य देशमा निर्यात समेत गर्ने गरी सोचिरहेको उनले बताए । बंगलादेशबाट ३९ वटा देशमा निर्यात हुँदा अहिले शून्य कर लाग्ने नीति छ । यसमा भारत पनि पर्छ ।
क्याटेगोरी : विश्व बजार
ताजा अपडेट
- साढे चार प्रतिशतको आर्थिक वृद्धिदर हासिल गर्छौं : अर्थमन्त्री पुन
- श्रमिकको सीपमा लगानी गर्नुपर्छ स् श्रममन्त्री अर्याल
- नेपाल वेस्ट इन्डिज ‘ए’सँग पराजित
- बौद्धिक जनशक्तिको पलायन रोक्न स्वदेशमा रोजगारी उपलब्ध गराइने
- ‘डढेलो नियन्त्रणको ज्ञान नहुँदा ज्यानै गयो’
- आगामी बजेटमा आमसञ्चारको धारणा समेट्दै सञ्चार मन्त्रालय
- श्रम मन्त्रालयद्वारा ‘श्रमदान’ अभियानको घोषणा
- श्रम क्षेत्रका विभेद हटाउन नीतिगत सुधार आवश्यक छ: अध्यक्ष नेपाल
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया