निसानको १८ अर्ब डलरको विद्युतीयकरण योजना
जापान । सवारीसाधन निर्माता निसानले अर्बौँ लागतको विद्युतीयकरण योजना अघि सारेको छ । एक दशकअघि अमेरिकामा लिफ विद्युतीय कार बजार ल्याएको कम्पनीले सन् २०३० सम्म २३ हाइब्रिड र १५ पूरै विद्युतीय मोडलका कार विकास गर्न १८ अर्ब अमेरिकी डलर लगानी गर्ने घोषणा गरेको हो ।
‘सामाजिक आवश्यकतालाई सम्बोधन गर्न कम्पनीहरुको भूमिका अत्यन्त बढेको छ । निसान महत्वाकांक्षा २०३० सँगै हामी विद्युतीयकरणको नयाँ युग हाँक्न चाहन्छौाँ, उन्नत प्रविधिद्वारा कार्बन उत्सर्जन घटाउन र नयाँ व्यावसायिक अवसर खोजी गर्न चाहन्छौँ । हामी निसानलाई दिगो कम्पनीका रुपमा निसानको रुपान्तरण चाहन्छौँ जुन समाज र ग्राहकले पनि चाहिरहेको छ’, निसानका प्रमुख कार्यकारी अधिकृत माकोतो उचिदाले भने ।
सोमबार अनलाइन माध्यमबाट यो योजना सार्वजनिक गरिएको फक्स बिजनेसले जनाएको छ । कम्पनीले उक्त अवधिमा ५० प्रतिशत निसानका सवारीसाधनलाई विद्युतीयकरण गर्ने बताएको छ । युरोपमा यस्तो दर ७५ प्रतिशत, जापानमा ५५ प्रतिशत, चीनमा र अमेरिकामा ४० प्रतिशत सन् २०२६ सम्म पूरा गर्ने कम्पनीको दाबी छ । कम्पनीले यसका लागि सन् २०२८ सम्म सोलिड स्टेट ब्याट्री प्रयोगको लक्ष्य पनि तोकेको छ । यसले लागत, तौल र चार्जिङ समय घटाउने अपेक्षा छ ।
यद्यपि कम्पनीले नयाँ मोडलको भने घोषणा नगरेको बतााइएको छ । तर धेरै अवधारणाको खुलासा भने गरेको छ । जसमा विद्युतीय पिकअप सर्फ आउट र म्याक्स आउट कन्भर्टिबल स्पोट्र्स कार छन् । यो अवधिमा निसानले वार्षि ब्याट्री उत्पादन क्षमता १३० गिगावाट आवर्स पु-याउने बताएको छ । त्यही अवधिमा यताा टोयोटाले २०० गिगावाट आवर्स पु-याउन साढे १३ अर्ब अमेरिकी डलर लगानी गर्ने घोाषणा गरिसकेको छ ।
निसानको नयाँ अमेरिकी बजारलक्षित कार एरिया एसयूभी सन् २०२२ को अन्त्यतिर अमेरिकामा बिक्री हुनसक्नेछ । यसको सुरुवाती मूल्य ४७ हजार एक सय २५ अमेरिकी डलर हुनेछ ।
क्याटेगोरी : विश्व बजार
ताजा अपडेट
- महिलालाई ढाकाको कपडा बुन्न सिकाउँदै बन्दीपुर गाउँपालिका
- गोरखाको साम्दोमा सशस्त्र प्रहरीको ‘बोर्डर आउट पोष्ट’ स्थापना
- चार सवारी साधन दुर्घटना: मृत्यु हुनेको सङ्ख्या दुई पुग्यो
- सत्तापक्षले विपक्षीको कुरा सुनीदिनुपर्यो: नेता डा. कोइराला
- सुपर कम्प्युटर बनाउँदै एलोन मस्क
- नासाद्वारा जलवायु परिवर्तनसम्बन्धी भू–उपग्रह प्रक्षेपण
- जीपीएस प्लस सुविधाअघि पारित गर्नुपर्ने अभिसन्धिमा सरोकारवालाको चासो
- ग्लोबल आइएमई बैंकका ग्राहकलाई दराजमा १५ प्रतिशत छुट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया