बिटक्वाइनलाई मान्यता दिने निर्णय खारेज गर्न एल साल्भाडोरलाई आईएमएफको दबाब
अमेरिका । अन्तर्राष्ट्रिय मुद्राकोष (आईएमएफ)ले एल साल्भाडोरलाई बिटक्वाइनलाई वैधानिक मुद्राको मान्यता दिने निर्णय खारेज गर्न आग्रह गरेको छ ।
गत सेप्टेम्बरमा एल साल्भाडोर बिटक्वाइनबाट उपभोक्तालाई उपभोग्य सामान खरिद गर्न अनुमति दिने पहिलो राष्ट्र बनेको थियो । उसले अमेरिकी डलर र बिटक्वाइनलाई सबै कारोबार गर्न सकिने मौद्रिक साधनको मान्यता दिएकोा थियो । यो निर्णयले त्यहाँ ठूलो आन्दोलन भएको थियो । यसले अस्थिरता र महंगी बढ्ने भन्दै जनमानसमा तीव्र असन्तुष्टि देखिएको थियो ।
नोभेम्बरयता बिटक्वाइनको मूलय आधाजसोले घटिसकेको छ । आईएमएफले राष्ट्रपपति नायिब बुकिलीलाई क्रिप्टोकरेन्सीले देशलाई जोखिममा पार्ने बताएको छ । यसले संस्थाबाट ऋण लिन पनि कठिन हुने चेतावनी दिएको छ । आईएमएफको बोर्ड निर्देशकहरुले बिटक्वाइनको मान्यता खारेज गरी यसको प्रयोग साँघुरो बनाउन भनेको छ ।
आईएमएफले वित्तीय स्थिरता, वित्तीय एकता र उपभोक्ता संरक्षणमा बिटक्वाइनको प्रयोगले ठूला जोखिम निम्त्याउने बताएको छ । एल साल्भाडोरले बिटक्वाइनलाई वैधानिक बनाउने घोषणा गरेसँगै नयाँ डिजिटल वालेट एप सार्वजनिक गरी हरेक नागरिकलाई ३० डलरबराबरको बिटक्वाइन दिएको थियो । देशभर दुई सयभन्दा बढी नयाँ क्यास मेसिन पनि जडान गरिएको थियो । उसले आर्थिक विकास गर्ने र रोजगारी सिर्जना गर्ने माध्यमका रुपमा उक्त कदम चाले पनि योसँगै देशभित्र मतविभाजन देखिएको थियो । योसँगै व्यवसायहरुले सम्भव भएसम्म डिजिटल क्वाइन भुक्तानीको रुपमा स्वीकार्नुपर्ने भएको थियो । बिटक्वाइन एउटा विवादित भर्चुअल मुद्रा हो किनभने यसको मूल्य घटबढ भइरहन्छ । नाटकीय रुपमा बितेको वर्ष यसको उतारचढाव देखिएको थियो ।
मंगलबार बिटक्वाइन ३७ हजार डलर प्रतिएकमा कारोबार भएको थियो । नोभेम्बरमा यसको मूल्य प्रतिएक ६७ हजार सात सय ३४ अमेरिकी डलरसम्म पुगेको थियो । राष्ट्रपति बुकिलीले नोभेम्बरमा एल साल्भाडोरमा ज्वालामुखीलाई बिटक्वाइन सिटी बनाउने योजना घोषणा गरेका थिए ।
क्याटेगोरी : विश्व बजार
ताजा अपडेट
- साढे चार प्रतिशतको आर्थिक वृद्धिदर हासिल गर्छौं : अर्थमन्त्री पुन
- श्रमिकको सीपमा लगानी गर्नुपर्छ स् श्रममन्त्री अर्याल
- नेपाल वेस्ट इन्डिज ‘ए’सँग पराजित
- बौद्धिक जनशक्तिको पलायन रोक्न स्वदेशमा रोजगारी उपलब्ध गराइने
- ‘डढेलो नियन्त्रणको ज्ञान नहुँदा ज्यानै गयो’
- आगामी बजेटमा आमसञ्चारको धारणा समेट्दै सञ्चार मन्त्रालय
- श्रम मन्त्रालयद्वारा ‘श्रमदान’ अभियानको घोषणा
- श्रम क्षेत्रका विभेद हटाउन नीतिगत सुधार आवश्यक छ: अध्यक्ष नेपाल
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया